Интихоботи раисиҷумҳури Тоҷикистон аз нигоҳи расонаҳои хориҷӣ
Расонаҳои маъруфи ҷаҳонӣ ба мавзӯи интихоботи раисиҷумҳури Тоҷикистон, ки имрӯз, 6-уми ноябр ҷараён дорад, дахл карда, онро “маъракаи беинтихоб” арзёбӣ мекунанд, ки “сюрпризе”-ро ба бор нахоҳад овард.
“Washington Post”, рӯзномаи маъруфи амрикоӣ менависад, интихоботи раисиҷумҳур дар Тоҷикистон танҳо ба ном интихобот аст ва аз он зикр кардааст, ки ҳатто ба ном “рақиб”-ҳои Эмомалӣ Раҳмон, раисиҷумҳури феълӣ дар маъракаи пешазинтихоботӣ аз ӯ таърифу тавсиф карданд.
Радиои “Голос Россия” интихоботи президенти Тоҷикистонро як маъракаи беинтихоб гуфта, таъкид намудааст, ки дар ин кишвар барои мардуму номзадҳо “рӯзи хомӯшӣ”-ро ёдрас кардан зарур нест, чун аз аввал ҳамаи рақибҳои Эмомалӣ Раҳмон, раисиҷумҳури феълӣ орому эҳтиёткору хомӯш буданд.
Сомонаи “Telegraf” ба мавзӯи интихоботи раисҷумҳури Тоҷикистон дахл карда, таъкид мекунад, ки касе “сюрприз”-ро интизор нест. Ин расона менависад, интихоботи президентӣ дар Тоҷикистон, як маъракаи расмие қабул шудааст, ки барои тасвиби раёсати Эмомалӣ Раҳмон дар ҳафт соли оянда хидмат мекунад.
Бисёри расонаҳои хориҷӣ бо зикри он, ки номзади аслии мухолифин, Ойниҳол Бобоназарова, таҳти фишор аз сабқат барои курсии президентӣ канор монд, таъкид мекунад, Эмомалӣ Раҳмон, 20 сол боз зимоми қудратро дар ихтиёр дорад, ногузир ғолиби интихоботи имрӯза хоҳад буд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |