Русский  >>  فارسی  >>  Душанбе 5 декабр 2016, 03:16

Паёми амир ва нахуствазири Қатар ба Эмомалӣ Раҳмон

8 ноябр 2013, 11:01

Шайх Тамим ибни Ҳамад Оли Сонӣ – амири Қатар бо ирсоли паёме Эмомалӣ Раҳмонро, ки барои бори чаҳорум ба курсии президентӣ дар Тоҷикистон такя зад, табрик гуфтааст.

Дар ин бора Оҷонсии миллии иттилоотии Қатар рӯзи 7 ноябр хабари расмӣ пахш кард. Ин оҷонсӣ гуфт, Шайх Абдулло ибни Носир Оли Сонӣ, нахуствазири Қатар, низ ба оқои Раҳмон паёми табрикотӣ ирсол намудааст. Давлати Қатар дар ҳоли ҳозир дар Душанбе бунёди як шаҳракеро бо номи “Диёри Қатар” оғоз карда, барои сохтмони масҷиди бузургтарин дар Тоҷикистон низ 70 миллион доллар сармоя ҷудо намудааст.

Эмомалӣ Раҳмон дар интихоботи президентии 6 ноябри соли ҷорӣ бар панҷ рақибаш аз Ҳизби коммунист, Ҳизби демократ, Ҳизби сотсиалист, Ҳизби аграрӣ ва Ҳизби ислоҳоти иқтисодӣ пирӯз омад. Масъулони Кумисюни марказии интихобот ва раъйпурсии Тоҷикистон, ки рӯзи 7 ноябр натиҷаҳои аввалияи интихоботи президентиро эълон мекарданд, гуфтанд, оқои Раҳмон 83,6 дарсади раъйи интихобкунандаҳоро ба даст овардааст. Дар ҳоле ки ба иттилои онҳо, рақибони пешсафи ӯ натавонистаанд аз панҷ дарсад бештар раъйи сокинонро соҳиб шаванд.

Эмомалӣ Раҳмон соли 1992 дар Иҷлосияи 16-ум дар Хуҷанд раиси Шӯрои олӣ интихоб шуда, баъдан дар интихоботҳои президентии соли 1994, 1999 ва 2006 низ пирӯзӣ ба даст оварда буд. Дар маҷмӯъ вай 21 сол боз зимоми қудрат дар Тоҷикистонро дар даст дорад ва дар ҳафт соли дигари ҳукуматдорияш ин ҳисоб ба 28 сол баробар хоҳад шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!