09 ноя 2013 10:26Тоҷикистон / Иҷтимоӣ
Дуои муфтӣ барои 7 соли ояндаи раҳбарии Эмомалӣ Раҳмон
Абдулқодирзода, ки рӯзи 8 ноябр дар як суханронии хеш дар ин бора ибрози назар мекард, гуфт, ин нишонаи хирадмандии мардуми Тоҷикистон аст, ки инсони сазовору ободкор ва ҷонфидои ободии кишваро интихоб намудааст. Раиси Шӯрои Маркази исломии Тоҷикистон аз нооромиҳои дохилии кишвар дар солҳои 90-ум ёдовар шуда, афзуд: “Ҳамаи мо рӯзҳои рехтани хуни ноҳақ, зулму истибдод ва касофатиро дидем. Вале Худованд бо фазлу карами хеш бо дасти ин ҷавонмарди хирадманд кишвару оромии онро дубора барқарор кард ва бо сарварии ин хирадманд чӣ қадар ватани мо обод шуд.”
Ӯ гуфт, боре Душанберо ба 20 соли қабл муқоиса кунед, ки то куҷо тағйир ва пешравӣ дар он шудааст: “Чӣ қадар биноҳо бунёд ва роҳҳо cохта шудааст. Ҳар рӯз як корхона ифтитоҳ мешавад. Мо бояд шукрона кунем, ки интихобот ором гузашт ва ин албатта, нишонаи хирадмандии ин миллату мардум аст.”
Абдулқодирзода дар охир аз ҳамагон даъват кард, ки дар ҳаққи Эмомалӣ Раҳмон, раисиҷумҳури Тоҷикистон дуои хайр намоянд: “Дуо мекунем, ки Худованд ин пирӯзиро барояш муборак ва боз ҳам нияту иродаву ақидаашро манфиатдортар барои миллат гардонад. Ин пешравиҳое, ки шуду ният дорад, Худованд барои ҳамаи хидматҳояш аҷру подош диҳад ва дар оянда комёбию адлу инсоф рӯзияш гардонад.”
Интихоботи президентӣ дар Тоҷикистон 6-уми ноябр баргузор шуда, тибқи иттилои Комиссияи марказии интихобот ва раъйпурсии кишвар, ки натиҷаҳои муқаддамотии онро эълон кард, Эмомалӣ Раҳмон бо касби беш аз 83 дар сади оро барои ҳафт соли дигар раиси ҷумҳур интихоб шуд. Ба ин тартиб, оқои Раҳмон барои бори чаҳорум ба курсии раёсати ҷумҳурӣ такя зад. Вай дар интихоботҳои соли 1994, 1999 ва 2006 низ бар рақибонаш дастболо шуда буд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
