Русский  >>  فارسی  >>  Якшанбе 11 декабр 2016, 14:57

Чанд тавсияи AI ба раисиҷумҳури тозаинтихоби Тоҷикистон

9 ноябр 2013, 11:30

Amnesty International ё Созмони Авфи Байналмилал дар гузориши тозаи худ ба Эмомалӣ Раҳмон -- раисиҷумҳури тозаинтихоби Тоҷикистон барои фаъолияти ҳафт соли минбаъдааш чанд тавсия додааст.

Гузоришгарони Авфи байналмиллал гуфтаанд, шиканҷа, хушунат ва фишор ба мухолифону марги шаҳрвандони осоишта дар ҷараёни амалиёти нерӯҳои давлатӣ аз ҷумлаи мушкилот барои раҳбарии Эмомалӣ Раҳмон дар 7 соли оянда мебошад. Авфи Байналмилал мегӯяд, Раҳмонро лозим аст, то барои ҳифзи ҳокимияти худ бо мушкилоти мазкур мубориза бурда, риояи ҳуқуқи инсонро дар мадди аввал бигузорад.

Ба гуфтаи гузоришгарони ин созмон, дар се давраи қаблии Эмомалӣ Раҳмон ҳолатҳои дағалона нақз гардидани ҳуқуқи инсон бе ҷавоб боқӣ монда, ин раванд ба падидаи маъмулӣ табдил ёфтааст. “Эмомалӣ Раҳмон ҳамчун роҳбари давлат бояд ислоҳот дар бахши ҳуқуқи инсонро рӯйи даст гирифта, риояи онро дар толорҳои додгоҳ, маъмурияти пулис, мақомоти амният ва дигар ниҳодҳои дахлдори ҳокимияти иҷроия талаб намояд. Чораҳое, ки то имрӯз амалӣ шудаанд, таъсире барои беҳбудии вазъи ҳуқуқи инсон дар Тоҷикистон надоштаанд. Барои намоиши иродаи сиёсии худ Эмомалӣ Раҳмон бояд тавре амал бикунад, ки пулис ва додрасҳо худро болотар аз қонун нагузошта, меъёрҳои ислоҳотро таҷриба бикунанд”,-афзудаанд онҳо.

Дар охири гузориш, Авфи Байналмилал барои Эмомалӣ Раҳмон шаш мушкили аслии Тоҷикистонро номбар кардааст, ки бе ҷазо боқӣ мондани омилони шиканҷа, саркӯбии шоҳидони ҳолатҳои нақзи ҳуқуқ, бадрафторӣ дар зиндон ва маҳдуд гардидани майдони фаъолият барои сиёсатмадорон аз ҷумлаи онҳост.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мурчагон агар кунанд
иттифоқ,
Шери жаёнро
бидаронанд пӯст.”

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!