Русский  >>  فارسی  >>  Якшанбе 11 декабр 2016, 16:55

Суоли хонандаи "Озодагон" аз мақомот дар бораи заминҷунбӣ

11 ноябр 2013, 09:28

Яке аз хонандагони торнамои “Озодагон” бо номи Юсуф дар пайи хабари заминларзаи рӯзи даҳуми ноябр шарҳе навиштааст, ки онро чоп карда, мунтазири посухи мақомот мемонем.

Номаи Юсуф:

“Ман дар маркази ноҳияи Ваҳдат дар маъракае будам. Дар берун дар таҳи долон сӯҳбат мекардем. Замин беҳад сахт ларзид.

Дар лаҳзаи нахуст садое ба монанди таркиш шунида шуд. Сутунҳои оҳанини долон ин сӯ ва он сӯ рафта меомаданд. Хаёл кардем, долон ҳамин лаҳза болои сарамон чаппа мешавад. То ба ҳол ба ин дараҷа заминларзаи шадидро надида будам.

Ҳанӯз солҳои ахири Шӯравӣ зимни яке аз сафарҳои хидматӣ бо афсари баландрутбаи рус ҳамсӯҳбат шудам. Дар рафти сӯҳбат полковники рус гуфт, ки "дар Помири шумо зуд-зуд таркиши ҳаставӣ мегузаронанд (частенько проводят ядерный взрыв). Шумо аз ин хабар доред?" Гуфтам, ки бори аввал мешунавам. Гуфт, "ин далели дақиқ аст". Пас аз ин, ҳар гоҳ заминларза ба вуҷуд меомад, нохост гуфтаҳои ҳамон афсар ба ёдам меомаданд. Имрӯз ҳам ҳамин тавр шуд. Заминларза воқеан ба таркиш монанд буд.

Бо истинод ба гуфтаҳои полковники рус мехостам аз мақомоти расмии Тоҷикистон пурсида шавад, ки оё ҳоло ҳам низомиёни рус дар қаламрави Тоҷикистони мустақил таҳқиқоти ҳаставиро идома медиҳанд, ё на? Зеро вобаста ба ҳаҷми заряд таркиши сахт ҳатман заминларза ба вуҷуд меорад.

Агар заминҷунбиш зарари моддӣ нарасонад ҳам, дақиқан ба бисёре аз ашхоси бемориҳои қалб ва асаб зарари ҷисмонӣ ва маънавӣ меорад. Масъалаи мазкур бояд аз ҷониби вакилони мардумии Маҷлиси Олӣ таҳқиқ шавад.”


Шарҳи худро бинависед:

Ном:*
E-Mail:
Матни шарҳ:
Посух додан
  • Pirahmad

  • 11 ноябр 2013 09:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба Юсуф гуфтаниам, ки хусусан дар ш.Вахдат фиску фучур бечогардии духтарон ба мавчи аъло расидааст. Сар то по сатр хастанд вале он чунон фиску фучур мекунанд дискоклубхоро гуй то нимаи шаб. Худоро шукр гуед холо хам ба замин фуру нарафтаед. Э вой бар холи мо мардуми мусалмон.
Посух додан
  • а

  • 11 ноябр 2013 09:53
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бисер своли содда. Ин гуна саволхоро мардуми бесаводи кишлоки медиханд. Хастаи магар бозича аст, ки дар Помир онро гузаронанду касе, гайр аз хамин Юсуф хабар надошта бошад.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!