Русский  >>  فارسی  >>  Шанбе 10 декабр 2016, 02:15

Раҳимов дар Рӯзи милиса аз ҳама ёд карду аз генерал Солеҳов не

11 ноябр 2013, 09:53

Рамазон Раҳимов, вазири умури дохилии Тоҷикистон, бахшида ба рӯзи милиса, ки 10-уми ноябр, таҷлил мешавад, тамоми кормандони ин соҳаро табрик гуфта, онҳоро барои муборизаи беамон бо дастаҳои муташаккили ҷиноӣ, гурӯҳҳои террористӣ-экстремистӣ, бетартибиҳои оммавӣ ва дигар ҷинояткорӣ даъват намуд.

Раҳимов дар паёми табрикотияш мақомоти умури дохилиро, кафили тинҷиву осоиштагии давлату миллат гуфта, илова намудааст, ки “афзудани эътимоду боварии мардум ба кормандони мақомоти корҳои дохилӣ аз он шаҳодат медиҳад, ки шаҳрвандон дар симои кормандони милитсия ҳимоятгари ҳуқуқу озодӣ, моликият ва суботу оромиро дар ҷомеа дида, ҳамкории худро бештару беҳтар менамоянд.”

Вазири умури дохилии Тоҷикистон бо зикри қаҳрамониҳои кормандони милисаи тоҷик дар солҳои Ҷанги Бузурги Ватанӣ, афзуд, ки дар солҳои ҷанги шаҳрвандии Тоҷикистон низ аввалин бархӯрд ва зарбаи асосиро кормандони милитсия ба худ қабул намуда, барои барқарор намудани сохти конститутсионӣ, роҳ надодан ба бетартибиҳои оммавӣ ва ҳифзи моликияти давлатию ҷамъиятӣ, тамоми чораҳоро меандешиданд: “Дар роҳи барқарор намудани сохти конститутсионӣ ва мубориза бо гурӯҳҳои мусаллаҳи ҷиноятпеша зиёда аз 2000 нафар корманди мақомоти умури дохилӣ ҷони худро аз даст доданд.”

Раҳимов номи собиқ вазирони умури дохилии Тоҷикистон, Сайдамир Зуҳуров, Ҳомиддин Шарифов ва Абдураҳим Қаҳҳоровро зикр карда, хизмати онҳоро дар ташкили кор ва фаъолияти минбаъдаи кормандони мақомоти корҳои дохилӣ дар мубориза бо ҷинояткорӣ, таъмини суботу оромӣ назаррас хондааст: “Имрўз мо ифтихор аз он дорем, ки Котиби Шўрои амният Абдураҳим Қаҳҳоров, Вазири мудофиа Шералӣ Хайруллоев, сардори шўъбаи мудофиа ва тартиботи ҳуқуқии Дастгоҳи иҷроияи Президент Абдусаттор Раҷабов, Директори Агентии назорати давлатии молиявӣ ва мубориза бо коррупсия Абдуфаттоҳи Ғоиб, Директори Агентии назорати маводи нашъаовари назди Президент Рустам Назаров, Директори Агентии таъминоти амволи махсуси назди Ҳукумати ҷумҳурӣ Лолахон Раҳмонов, сардори Сарраёсати иҷрои ҷазои ҷиноятии Вазорати адлия Изатулло Шарифов ва сардори Хадамоти муҳоҷирати назди Ҳукумати ҷумҳурӣ Сафиалоҳ Девонаев дастпарварони Вазорати корҳои дохилӣ мебошанд.”

Дар миён Рамазон Раҳимов, аз генерал Маҳмадназар Солеҳов, ки моҳи декабри соли 2006 вазири умури дохилӣ таъин шуда буд, зикр накардааст. Солеҳов, ки ба ҳайси додситони кул, роҳбари дастгоҳи иҷроияи президент, раиси Додгоҳи Қонуни асосӣ, вазири умури дохилӣ кор карда буд, 29-уми январи соли 2009 аз вазифаи вазири умури дохилӣ бо фармони худи президент ва бо ҳаққи дар ҷои дигаре кор накардан сабукдӯш карда шуд. 17-уми июни соли 2009 Солеҳов ҳангоми амалиёти боздошт худашро дар ҳавлиаш тир зад ва ҷон супурд. Солеҳовро расман барои сӯистифода аз мансаб гунаҳкор донистанд. Мегӯянд, генерал Маҳмадназар Солеҳов танҳо нафаре буд, ки метавонист рӯирост ба президент эътироз кунад.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин Рамазон Рахимовро пагох пас аз вазифа рафтанаш ки ёд мекарда бошад!? Мухтарам вазир! Як бор милисахои бозори Корвонро бубинед чи кадар дагау бадмуомила хастанд.
Посух додан
  • а

  • 11 ноябр 2013 10:11
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рости гап шахсони ифлос хастанд. Хамин сардорхои милиса.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухтарам вазир ту фикр мекуни хама аз рафтори милисахо бехабаранд. хамаи онхое ки аз боздошгоххои шахру нохия бо холат вазнин ба беморхонахо мебаранд дар инаш чи мегуи. Хамаи онхое ки ту ном бар кардаи кар додари кур мебошанд
Посух додан
  • tojik

  • 12 ноябр 2013 11:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
kto ne podchenyaetsya yo memurand yo ba zindon.bo rahmon hej kas rui rost etiroz namekardu namekunad durug nagen.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!