Русский  >>  فارسی  >>  Якшанбе 4 декабр 2016, 21:15

Дубнов дар бораи интихобот ва оппозитсиюни тоҷик

11 ноябр 2013, 14:26

Халил ҚАЮМЗОД

Аркадий Дубнов, журналисти маъруфи рус, ба чанд саволи хабарнигори “Озодагон” ҷавоб дод.


Озодагон: Назари Шумо дар бораи интихоботи раёсати ҷумҳури Тоҷикистон, ки 6 ноябр баргузор гардиду Шумо низ ҷараёни онро назорат доштед, чӣ гуна аст? Оё ин интихобот аз интихоботҳои гузашта фарқ мекард?

Дубнов: Барои муқоиса кардан азият мекашам. Чаро ки интихоботҳо дар Тоҷикистон бидуни ҳангома ва хушку ором мегузаранд. Ин интихобот мисли интихоботҳои замони Шӯравист, ки ҳама раъй барои “қаноти коммунистон ва бетарафҳо” дода мешуданд. Ин интихоботи бидуни интихобро ба мардум демократитарин интихобот нишон додан мехоҳанд. Ман аз бепарвоии матбуот дар ин давра низ ҳайратзада будам. Дар дигар кишварҳо дар ин давра назди Кумисюни марказии интихобот пур аз садову одам аст, назди ҳавзаҳои интихоботӣ ҳам. Ҳар дақиқа аз он нуқтаҳо хабарҳо пахш мешаванд, нишастҳо баргузор мешаванд. Дар Тоҷикистон ин раванд хеле кам аст, тақрибан ба назар намерасид. Чунин менамуд, ки гӯиё ин кори чандон муҳим нест ва ба он ҳеч эҳтиёҷе ҳам нест. Ин саҳна монанди латифае аст. Аз пикетчӣ (иштирокчии пикет) мепурсанд: “чаро дар коғази дасти Шумо чизе навишта нашудааст?” Пикетчӣ посух мегӯяд: “барои чӣ нависам, бе он ҳам маълум...”

Озодагон: Шумо ба рақамҳои Кумисюни марказии интихобот дар бораи пирӯзии Эмомалӣ Раҳмон ва шикасти рақибони ӯ бовар доред?

Дубнов: “Кӣ ба он рақамҳо бовар мекунад? Ин рақамҳо қаблан тарҳрезӣ шуда буданд. Ман дар тӯли чанд рӯзе, ки дар шаҳри Душанбе будам, ҳамаро мушоҳида кардам. Мардум нақл мекарданд, чӣ гуна раъй медоданд. Чӣ гуна онҳо мерафтанд ба раъйдиҳиву медиданд, ки алакай ба ҷои онҳо нафари дигар раъй додааст. Ин рақамҳоро касе тафтиш ҳам намекунад. Ин амал метавонад обрӯи соҳибобрӯён, нозирони интихоботро ҳам коҳиш диҳад. Худи ҳукумат ҳам чандин бор монеи ислоҳи қонуни интихобот шуд, ки номзадҳои дилхоҳ ҳизб тавонанд дар ҳавзаҳои интихоботӣ ширкат кунанд ва ҷараёни онро мушоҳида намоянд. Агар интихобот, воқеан, ба тарзи шаффофу демократӣ баргузор мешуд, кӣ медонист, шояд Раҳмон аз ин ҳам бештар раъйи мардумро соҳибӣ мекард.”

Озодагон: Дар бораи амалкарди мухолифони ҳукумати Эмомалӣ Раҳмон дар давраи интихобот чӣ мегӯед?

Дубнов: “Ростӣ, намедонам, мухолифини имрӯзаи Тоҷикистон киву чӣ аст. Ҳукумат ҳама корро кард, ки нақши мухолифон дар сиёсати имрӯзаи тоҷик ба сатҳи хеле паст бирасад. Мутаассифона, дар ин кор худи мухолифон ҳам хоставу нахоста мусоидат карданд. Ҳавобаландии пешвоёни мухолифон, нобоварӣ миёни онҳо, ки ҳанӯз бист сол муқаддам оғоз ёфта, то ба имрӯз равнақ меёбад, намегузорад, ки муттаҳид шаванд.”

Озодагон: Дар бораи ҷомеаи шаҳрвандии Тоҷикистон чӣ назар доред? Оё он вуҷуд дорад?

Дубнов: “Агар ҷомеаи шаҳрвандӣ мебуд, мо шоҳиди он мешудем, ки мардум алайҳи айбномаҳо бар зидди Зайд Саидов вокуниши зиёд нишон медод. То андозае нақши ҷомеаи шаҳрвандиро дар Тоҷикистон баъзе аз расонаҳо иҷро мекунанд. Аммо чун онҳо (махсусан телевизион) пурра аз тарафи ҳукумат назорат мешаванд, аз ин хотир чандон нақши муҳиме надоранд. Мутаассифона, ҷои ҷомеаи шаҳрвандии Тоҷикистонро зиёиёни тоҷик гирифта наметавонад. Инро ба он хотир гуфтам, ки дидам, чӣ гуна баъзе аз намояндагони қишри зиёӣ обрӯи худро ба нестӣ мебаранд. Қазияи бархӯрди онҳо нисбат ба рӯзноманигоронро дар назар дорам. Инро мушоҳида кардан дарднок аст. Дар Тоҷикистон ҷараёни тақсимбандии қавмӣ дар ҳоли рушдёбист. Шаҳрвандони кишвар, ки ба зӯриву зорӣ зиндагӣ доранд, пойбанди ҳукумат ҳастанд. Ягона умед ба ҷавонон аст. Ҷавоное ҳушёр ва муосир, ки тавонанд аз ҳукумат талаби риояи эҳтиром ва ҳуқуқи ҳамватанони худро бикунанд.”

Муаллифи акс -- Лидия Исамова


Шарҳи худро бинависед:

Ном:*
E-Mail:
Матни шарҳ:
Посух додан
  • Асламшо

  • 11 ноябр 2013 15:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дуб оно и есть ДУБ! Какое тебе разница что происходит у нас в Таджикистане? Иди гуляй Дубнов!!! Ты кто такой, давай ....))))
Посух додан
  • Саидшо

  • 11 ноябр 2013 17:04
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Асламшо ман бо суханони шумо розиям
Посух додан
  • Прокурор

  • 11 ноябр 2013 17:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хама халк бо хохиши худ овоз доданд ва онхоро хеч кас мачбур накард
Посух додан
  • DZS

  • 11 ноябр 2013 21:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Асламшох, мо мардуми ТЧ шарм бояд кунем, ки Дубнов камбудихои моро мебинаду мегуяд, мо бошем боз бо сари баланду забони дароз гап мезанем.
Якин хаки халоли худо талаб карда наметавонем. Шояд чавонон ояндаи наздик ин корро аз чои мо бикунанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ЧИ ШУД?
Посух додан
  • Ватандуст

  • 12 ноябр 2013 08:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дубина-нов, нам таджикам и нашим соотечественикам ваши мнения о нашем выборе абсолютно не интересны. Иди и наведи у себя порядок.
Посух додан
  • tojik

  • 12 ноябр 2013 11:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
baroi on tinj va orom meguzarad ki xalk hamin nafarro tarafdorand.digar tojikro firebu jang doxta nametavoned.
Посух додан
  • Забир

  • 12 ноябр 2013 15:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дуб- Дубанов, ты кто такой, давай досвидания!!!!!!!!!!!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!