Русский  >>  فارسی  >>  Якшанбе 4 декабр 2016, 17:12

Лату кӯб ва халъи силоҳи марзбонони қирғиз аз сӯи узбакҳо

13 ноябр 2013, 11:41

Дар ҷануби Қирғизистон боз як даргирии марзӣ бо Узбакистон ба миён омадааст.

Ба иттилои расонаҳи қирғизӣ, рӯзи 12 ноябр аз тарафи марзбонони Қирғизистон дар вилояти Бодканди ин кишвар як шаҳрванди Узбакистон ба иттиҳоми қочоқи пахта боздошт шудааст.

Марзбонони қирғиз мегӯянд, қочоқчии узбак ҳангоми интиқол дар роҳ ба сӯи боздоштгоҳ, ҷониби Узбакистон фирор менамояд, ки онҳо ӯро дубора боздошт кардаанд. Дар натиҷа сокинони марзии Узбакистон ба ҳимоят аз қочоқчии худ бархеста, марзбонони Қирғизистонро лату кӯб ва силоҳҳои эшонро соҳиб шудаанд.

Ин дар ҳолест, ки Токон Мамедов, муовини нахуствазири Қирғизистон мегӯяд, марзбонони кишварашро на мардуми бумӣ, балки сарбозони Узбакистон зери зарбу шатта қарор додаанд, ки баъд аз гуфтушуниди тӯлонӣ силоҳҳои онҳоро бозпас додаанд.

Манбаъ мегӯяд, ҳоло вазъият дар ин минтақаи марзии Қирғизистон бо Узбакистон хуб арзёбӣ мешавад. Қирғизистон бо ҳамсояикшвари худ Узбакистон зуд-зуд шоҳиди даргириҳои марзӣ мешавад, ки коршиносон далели аслии онро аломатгузорӣ нашудани хати марзи ду кишвар медонанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!