Русский  >>  فارسی  >>  Чоршанбе 7 декабр 2016, 19:26

Эмомалӣ Раҳмон ин бор ба чӣ қасам мехӯрад?

13 ноябр 2013, 11:42

Абдулазизи ВОСЕЪ

Эмомалӣ Раҳмон, раисиҷумҳури феълӣ, бо касби беш аз 83 дарсади раъй дар интихоботи 6 ноябр барои бори чорум курсияшро ҳифз кард. Қарор аст, 16 ноябр, баъд аз 10 рӯзи анҷоми интихобот, ки натиҷаҳои ниҳоии овоздиҳӣ бояд эълон гардад, маросими савгандёдкунии президенти тозаинтихоб баргузор шавад.


Масъала ин ҷост, ки ин навбат Эмомалӣ Раҳмон бо кадом арзишҳо савганд мехӯрад? Ба назар мерасад, 7 соли қабл он чи ки бо он қасам хӯрдан мумкин буд, хӯрд. Наход боз онҳоро такрор кунад?

Мушоҳида мешавад, маросими савгандёдкунии президент хеле бошукӯҳ мегузарад. Бошукӯҳтар аз соли 2006. Алакай пойтахти кишварро оро медиҳанд. Дар кӯчаву хиёбонҳои Душанбе чанд рӯз аст барқарорсозии чароғҳои равшанидиҳанда ҷараён дорад. 11 ноябр хабарнигорони “Озодагон” шоҳиди “шустушӯ”-и муҷассамаи Исмоили Сомонӣ гаштанд. Дарахтони ду тарафи роҳҳои мошингарди марказӣ ҳам аз шохаҳои зиёд тоза мешаванд.

Шаҳрдори Душанбе ахиран муроҷиати Шералӣ Хайруллоев, вазири дифои Тоҷикистонро қонеъ карда, барои гузаронидани машқи паради ҳарбӣ бахшида ба ин маросим иҷозат дод. Ин машқҳо аз 9 то 16 ноябр ҳамарӯза аз соати 20:00 то 24:00 дар майдони «Дӯстӣ»-и шаҳри Душанбе гузаронда мешавад. Қарор аст, баъд аз маросими савгандёдкунӣ дар ҳузури Эмомалӣ Раҳмон паради ҳарбӣ баргузор шавад.

Эмомалӣ Раҳмон бори охир 18 ноябри соли 2006 дар Кохи “Сомон”-и бӯстонсарои ҳукумати кишвар савганд ёд кард. Дар ин чорабинӣ баъд аз супоридани нишони президент ба Эмомалӣ Раҳмон, ҷаласаи якҷояи Маҷлиси миллӣ ва Маҷлиси намояндагон, ки ба маросими савгандёдкунии раисиҷумҳури Тоҷикистон бахшида шуда буд, баргузор гардид.

Эмомалӣ Раҳмон даст рӯи Сарқонун ё Конситутсияи Тоҷикистон гузошта қасам ёд карду чанд қадам қафо рафта, бо нимтаъзим парчами давлатии кишварро бӯса намуд. Сипас, раиси Кумисюни марказии интихобот ва раъйпурсии Тоҷикистон ба Эмомалӣ Раҳмон шаҳодатномаи президенти Тоҷикистонро тақдим кард. Баъд аз ин, раисиҷумҳури Тоҷикистон бо мошини болокушода хамроҳи эскорти мотосиклҳо ба хиёбони Рудакӣ баромад ва дар назди муҷассамаи Исмоили Сомонӣ гулчанбар гузошт.

Ба иттилои торнамои расмии президент “маросими ба иҷрои вазифа шурӯъ намудани Президенти Ҷумҳурии Тоҷикистон бори нахуст бо назардошти тамоми меъёрҳои ҳуқуқию таърихӣ ҷараён гирифт”.

Эмомалӣ Раҳмон (он вақт Раҳмонов) азму иродаи қавӣ ва садоқати худро ба савганди соли 1992 ва дигар қасамҳояш бори дигар таъкид дошта, изҳор намуд, ки минбаъд низ тамоми қуввату ғайрат ва ҳастии худро барои таъмини ояндаи неки Ватан, пойдории сулҳу субот, ваҳдати миллӣ ва ҳаёти хушбахтонаи халқи Тоҷикистон равона месозад. Ӯ таъкид дошт, ки бо интихоботи навбатии роҳбари давлат дар Тоҷикистон марҳалаи сифатан нав дар бунёди давлати демократӣ, ҳуқуқбунёд, дунявӣ ва иҷтимоӣ оғоз ёфт.

“Сарвари давлат Эмомалӣ Раҳмонов таъмини амният ва истиқлолияти озуқавории кишвар, истиқлолияти энергетикӣ, раҳо намудани кишвар аз бунбасти коммуникатсионӣ, рушди афзалиятноки саноат, хусусан саноати сабук, хӯрокворӣ ва коркарди маъданҳо, густариши фаъолияти сармоягузорӣ ва соҳибкории хурду миёна, такмил додани сиёсати буҷету андоз ва пулию қарзӣ, идомаи ислоҳоти идораи давлатӣ бо роҳи ташкили хизмати давлатии касбӣ, ташаккули сохтори куллан нави идораи иқтисодиёт, такмили тартиби ҷобаҷогузории кадрҳо дар асоси салоҳияти касбӣ, бартараф намудани такрори вазифаҳо дар мақомоти гуногун, баланд бардоштани самаранокӣ ва таъмини шаффофияти фаъолияти мақомоти давлатии марказӣ ва маҳаллӣ, пурзӯр намудани мубориза бар зидди коррупсия ва ришвахӯриро аз ҷумлаи вазифаҳои стратегии марҳилаи нави давлатдорӣ арзёбӣ кард”,-навишт сомонаи расмии ӯ.

Аммо хотирмонтарин қисмати ин маросим матни савганди Эмомалӣ Раҳмон буд: «Имрӯз рисолати бузургу пурифтихори савгандёдкунӣ ва бовариву эътимоди интихобкунандагон маро водор месозад, ки дар ҳафт соли оянда боз ба хиради азалӣ, азму иродаи созанда ва дастгириву пуштибонии беғаразонаи халқи азизам такя намоям. Савганд ба номи поки Худо, савганд ба шири сафеди модарам, савганд ба дуои неки падарону модарон, савганд ба нону намаки дастурхони пиру ҷавон, савганд ба обу хоки муқаддаси Ватан, ки масъулияти тақдири имрӯзу ояндаи давлату миллати тоҷикро бар дӯш мегирам. Савганд ба ҷони ҳафт миллион фарзанди Тоҷикистони азиз, ки тамоми ҳастӣ, нерӯву ғайрат ва таҷрибаву иродаамро барои Тоҷикистони соҳибистиқлол мебахшам».

Аммо ҳоло ин суол матраҳ аст, ки 16 ноябр Эмомалӣ Раҳмон чӣ қасаме ёд мекунад? Боз ҳам бо номи поки Худо, ҷони ҳашт миллион аҳолии кишвар, шири сафеди модарашу дуои неки падарону модарон?

Бо қиёс ба рангорангӣ ва муҳташамии маросими савгандёдкунии ҳар давраи оғози раёсатҷумҳурии Эмомалӣ Раҳмон хулоса кардан мумкин аст, ки ин навбат матни қасами ӯ пуртаъсиртар аз ҳафт соли пеш хоҳад буд. Аммо оё аз номи поки Худо, шири модар, ҷони аҳолӣ, нону намак, обу хоки муқаддаси Ватан калимаи пуртаъсиртаре ҳаст? Ман наёфтам. Шумо чӣ?


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба каланд
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бехтарин касам "Бо хун омадам бо хун меравам"
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бо кадуву картошкаву хайкалхои дар пойтахт буда бе касамхурихам маълумаст ки хама дуруг мебошад аз шири модар дида чизи мукадасе хаст не у ба шири модараш касам хурд лек дар амал ягон касами хурдаашро ичро накард ва намекунад шахсе мукадасот надорад касам хурдан ба у кори хамарузаву одии уст. Озодагон агар дар хакикат озод боши чоп кун вагарна шуморо бар вичдонатон ва Худо месупорам...
Посух додан
  • Ман

  • 13 ноябр 2013 12:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Касам мехурам,ки барк намедихам.
Посух додан
  • tgk

  • 13 ноябр 2013 12:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Касам мехурад ки хамара ракосу мадох мекунад дар хафтсоли охир
Посух додан
  • Домулло

  • 13 ноябр 2013 12:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Факат ва факат бояд бо китоби мукаддаси илохи Куръони Мачид касам хурд,дигар касамхо хама шикаста ё фаромуш мешаванд.
Барои он,ки агар бо китоби Куръон касам ёд кунанд ва гуфтагихошона ба ичро нарасонанд, ба газаби АЛЛОХ (Ч.Ч) албата гирифтор мешаванд ва
азобу ранч онхоро интизор аст.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Касам ба дусти азизаш Бозор Собир мехурад.
Посух додан
  • Студент

  • 13 ноябр 2013 15:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба каду.
Посух додан
  • Хочи

  • 13 ноябр 2013 17:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман хам наефтам
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бо КУРОНИ КАРИМ
Посух додан
  • 从此事

  • 13 ноябр 2013 18:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
bo qaichivu lenta ki tamomi sokhtmonoro mekushoyam.
Посух додан
  • Билол.

  • 13 ноябр 2013 21:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Касам.бо.гайри.худо.хама.ширк.аст.курон.одам
а.зада.наметавонад!
Посух додан
  • Икбол

  • 13 ноябр 2013 22:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барои чи мисли президенти киргиз дасташро болои курон монда касам намехурад е метарсад ки касам хурдаву ба гуфтахояш амал карда наметавонад?
Посух додан
  • tojik

  • 14 ноябр 2013 10:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
kasam fakat bo nomi xudoi poku mehrubon ast.chize ki az dasti rahmon omad kard az guftaash 70-foizashro kard.nakard nagued ki xudovand dar gazab naoyad boz.inshoalloh xub meshavad gued rahmon ham mo ham.
Посух додан
  • Pravda

  • 14 ноябр 2013 15:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
MAN QASAM MEKHURAM, KI IN OKHIRON BOR AST ))))
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!