Русский  >>  فارسی  >>  Шанбе 3 декабр 2016, 20:32

Донишҷӯён ба хотири пуштибонӣ аз Мурсӣ 17-солӣ гирифтанд

14 ноябр 2013, 09:57

Дар Миср 12 донишҷӯйро, ки аз Муҳаммад Мурсӣ, раисиҷумҳури баргузидаи ин кишвар пуштибонӣ менамуданд, ба муҳлати 17 солӣ равонаи зиндон карданд.

Мақомоти пулиси Миср мегӯяд, ин донишҷӯён ба иттиҳоми иштирок дар ҳамлаи моҳи октябри соли ҷорӣ ба Донишгоҳи “ал-Азҳар” боздошт шудаанд.

30 октябри соли ҷорӣ як гуруҳи донишҷӯёни Миср ректори донишгоҳи “ал-Азҳар”-ро ба ҷонибдорӣ аз ташкилкунандагони Инқилоби аскарӣ, ки ба барканории Муҳаммад Мурсӣ мунҷар шуд, мутаҳам карда, бинои донишгоҳро ба муҳосира гирифтанд. Вале кормандони пулис бо истифода аз нерӯ донишҷӯёни гирдиҳам омадаро пароканда карда, бештари аз онҳоро боздошт намуда буданд.

Артиши Миср бо раҳбарии вазири дифоъ ва сарфармондеҳи кулли ин кишвар Абдуфаттоҳ Сисӣ 3 июли соли ҷорӣ дар пайи як қарораш Муҳаммад Мурсӣ, раисиҷумҳури тозаинтихоби мардумашро барканор кард. Мурсӣ баъд аз чанд соати қироат шудани қарори барканориаш боздошт ва ба макони номаълум интиқол ёфт.

Чанде қабл ӯ ҳамроҳ бо чанд тан аз ҷонибдоронаш, ки дар таҳрик ба қатли мутазоҳирини назди Кохи раёсати ҷумҳури Миср муттаҳам мешаванд, ба додгоҳ ҳозир карда шуд. Вале додгоҳ боз замони баргузории мурофиаро ба 8 январи соли 2014 ба таъхир андохт.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!