14 ноя 2013 14:00Тоҷикистон / Сиёсат

Талоши пулис ва Кумитаи амният барои дарёфти гаравгони тоҷик

Шӯъбаи корҳои дохилии ноҳияи Шӯрообод мегӯяд, дар якҷоягӣ бо кормандони Кумитаи амнияти миллӣ барои дарёфти Мираҳмад, як сокини 30-солаи деҳаи Зардолуаки ин ноҳия, ки шаби 10 ба 11-уми ноябр, аз ҷониби гурӯҳи 6 нафараи афғонҳои мусаллаҳ рабуда шудааст, тамоми чораҳоро андешида истодаанд.

Тавре аз ШКД-и Шӯрообод ба «Озодагон» иттилоъ доданд, ин ҳодиса шаби 10 ба 11-уми ноябр, замоне, ки хонаводаи Мираҳамад, барои хӯрдани хӯроки шом гирди ҳам омада буданд, рух додааст. Манбаи “Озодагон” мегӯяд, аъзои хонаводаи ҷабрдида дар баёноташон навиштаанд, ки «афғонҳо омада дарро тақ-тақ заданд, кушодем, хӯрок хостанд, додем. Баъди ин писарамон, Мираҳмадро гирифтанду гуфтанд роҳро ба мо нишон диҳад. Мираҳмад тарсиду хоҳиш кард, ки ӯро сар диҳанд, вале афғонҳо ӯро бо зӯрӣ бо худ бурданд».

Ба иттилои манбаъ Мираҳмад оиладор буда, соҳиби 3 фарзанд аст ва чанде пеш аз муҳоҷирати меҳнатӣ баргаштааст.

Ин дар ҳолест, ки ҳодисаи рабудани шаҳрвандони Тоҷикистон аз ҷониби афғонҳо дар ноҳияи Шӯрообод бори аввал набуда, дар гузашта низ чунин ҳолатҳо зиёд рух додаанд.

Мӯҳр

Хабарҳои монанд:

Хайрхох

Ба фикрам ночор бояд хамин сархадбонони русро овардан даркор агарне ба такдири охирхои асри 19-ум мардуми мо дучор мешавад

Ҷавоб диҳед Иқтибос Шикоят

llyas

Хайрхох,
агар касера монан мондан гиран сархада ин Авгонхои беинсоф бо мусалмон таври худ чи касд доран ки даромада одаму молу амволи даркориашонро мегиран мераванд маълум мешавад ки сархадбонон ва амнияти ин нохия бо ВКД-и ин нохия манфиати худро ба назар гирифта авгонхоро ворид мекунан ва илочи вокеаро баъд аз вукуъ агар мардум хабар аз вукуъ шуданд ба тавре камари химмат мебанданд )))) вазифахо ки хешу табори шуд хама манфиати худша фикр мекуна кай гами ватану ватандоронашро кунад.Хайрхох,

Ҷавоб диҳед Иқтибос Шикоят

Эзоҳ илова кунед