Русский  >>  فارسی  >>  Якшанбе 11 декабр 2016, 11:01

Абдуқаюм Юсуфов зидди амалиёти Вазорати умури дохилӣ

15 ноябр 2013, 12:01

Абдуқаюм Юсуфов, ҳуқуқдони шинохта ва узви Коллегияи адвокатҳои Тоҷикистон, амалиёти махсуси Вазорати умури дохилӣ алайҳи бо мошинҳои шахсӣ ба дарс омадани ҷавононро дахолат ба ҳаёти шахсии инсон номид.

Оқои Юсуфов дар сӯҳбат бо “Озодагон” гуфт, ин феҳрист, ки дар он номи донишҷӯёни бо мошини худ ба дарс рафта аз сӯи кормандони умури дохилӣ тартиб дода шудааст, ба ягон чаҳорчӯб дохил намешавад. “Ин як дахолати маҳз ба ҳаёти шахсӣ мебошад. Донишҷӯён ҳам ҳақ доранд, мошини шахсӣ дошта бошанд”,-афзуд ӯ.

Ба гуфтаи ин ҳуқуқдони тоҷик, дар ягон қонун зикр нашудааст, ки донишҷӯй бояд мошин надошта бошад: “Бар асоси қонунгузории Тоҷикистон ҳар шаҳрванде, ки синнаш ба 18 расидааст, ҳаққи гирифтани шаҳодатномаи ронандагиро дорад. Яъне, ин маънои онро дорад, ки ин шаҳрванд, метавонад мошинро идора кунаду пушти чанбарак нишинад.”

Аз сӯи дигар, ҳуқуқшиноси тоҷик, мегӯяд, мақомоти Тоҷикистон дар ҳоле аз рафтани донишҷӯён бо мошини шахсӣ ба дарс ҷилавгирӣ мекунанд, ки ҳанӯз ҳам мушкилоти таъмини аҳолӣ, бахусус донишомӯзон бо васоити нақлиёт дар кишвар ҳалли худро наёфтааст. Ахиран Вазорати умури дохилии Тоҷикистон натиҷаҳои амалиёти махсусро, ки алайҳи бо мошинҳои шахсӣ ба дарс омадани ҷавонон равона шуда буд, эълон намуд. Ин ниҳод мегӯяд, танҳо давоми як ҳафта дар ҷумҳурӣ 160 ҳолати бо мошини шахсӣ ба донишгоҳ омадани донишҷӯён сабт шудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!