Русский  >>  فارسی  >>  Душанбе 5 декабр 2016, 23:34

Пурсиш дар бораи истеъфо: Девонаев вақт надорад; Абдураҳимов худдорӣ кард; Неъматов ҷавоб дод

15 ноябр 2013, 15:38

Ҳумайрои БАХТИЁР

Рӯзи шанбеи 16 ноябр дар ҷаласаи якҷояи Маҷлиси намояндагон ва Маҷлиси миллӣ Эмомалӣ Раҳмон барои 7 соли ояндаи кораш ба унвони шахси аввали ҷумҳурӣ савганд ёд хоҳад кард. Мақомот мегӯянд, расми адои савганди оқои Раҳмон дар муқоиса ба дафъаи гузашта хеле “хоксорона” баргузор хоҳад шуд.

Аммо чизи муҳиме, ки аксарият гӯшу ҳушанд, истеъфои аъзои ҳукумат ва баргаштан ва ё барнагаштани онҳост. Бар асоси қонунҳои Тоҷикистон баъд аз маросими савгандёдкунӣ раисҷумҳури тозаинтихоб бояд аъзои ҳукуматро ба истеъфо фиристода, тимашро аз нав ташкил кунад. Бисёре аз коршиносон мегӯянд, ба эҳтимоли зиёд баъзе аз аъзои ҳукумат баъд аз истеъфо дубора ба курсии худ барнагарданд.

Хеле талош кардем, то бо чанде аз аъзои ҳукумат ҳам дар ин бора сӯҳбат карда, назарашонро бифаҳмем. Аммо аксари аъзои ҳукумат ё ба телефонҳои мо ҷавоб намедоданд ва ё ба ҷои онҳо ёвар ё котибаҳояшон мегуфт, “саволатонро мерасонам”.

Бо ин ҳол, рақами телефони чанде аз онҳоро, ки дар даст доштем, чидем. Сафиаллоҳ Девонаев, раҳбари Хадамоти муҳоҷирати Тоҷикистон, дар аввал хуб сӯҳбат карда, аммо бо шунидани пурсиш гуфт, ки кори зиёд дорад.

Озодагон: Аз шумо дар мавриди истеъфои мувақатии ҳукумат пурсиданӣ будем...

Девонаев:
“Шумо кори дигар надоред? Ман, Хадамот... кори бисёр дорад.”

Озодагон: Танҳо пурсиданӣ будем, ки ин истеъфоро чӣ гуна қабул мекунед...?

Девонаев: “Кори ман бисёр. Вақт надорам. Тамом.”

Генерал Хайрииддин Абдураҳимов, раиси Кумитаи ҳолатҳои фавқулодаи Тоҷикистон, ҳам барои сӯҳбат чандон алоқамандӣ зоҳир накард.

Абдураҳимов: “Ҳар саволе доред, тавассути хадамоти матбуот ба мо расонед.”

Озодагон: Ин саволи мо марбут ба фаъолияти Шумост, на кумита.

Абдураҳимов: “Ба шахсияти ман чӣ савол медиҳед, корӣ бошад, марҳамат.”

Озодагон: Аммо ин масъала ба коратон рабт дорад, на шахсӣ...

Абдураҳимов:
“Не. Тамом. Ҳар чизе ҳаст, тавассути хадамоти матбуот бигӯед.”

Ҳамин тавр, чанде дигар аз раҳбарони идораҳои давлатӣ бо шунидани савол дар бораи истеъфо аз ҷавоб додан худдорӣ мекарданду серкории худро баҳона пеш меоварданд. Дар ин миён танҳо Маликшо Неъматов, раҳбари Кумитаи ҷавонон, варзиш ва сайёҳии Тоҷикистон, аз посух ба ин пурсиш худдорӣ накарда, онро ба оромӣ қабул намуд. Оқои Неъматов гуфт, дар бораи истеъфои аъзои ҳукумати Тоҷикистон, аз ҷумла худаш, аслан фикр ҳам накардааст.

Вай афзуд, умуман орзу надошт, то курсиеро дар ҳукумат соҳиб шавад: “Аммо ин насиб будааст. Ман дар як давраи кӯтоҳ сазовори боварӣ ва эътимоди роҳбари давлат шудам. То ҳадди имкону қудрату дониши худ барои рушди бахши мазкур талош доштам.”

Маликшо Неъматов дар идома гуфт, маросими савгандёдкунии дувуми Эмомалӣ Раҳмон аст, ки дар он ба ҳайси аъзои ҳукумат ширкат мекунад: “То имрӯз фикр накардам, ки баъд аз истеъфои навбатии ҳукумат ба вазифаи худ бармегардам, ё не. Инро ҳукумат ҳал мекунад. Агар ба дониш ва малакаи ман ниёз дошта бошанд, ба вазифаам бармегардонанд, ё ба вазифаи дигар мегузаронанд. Ҳар чизе бошад, онро қабул мекунам.”

Бо ин ҳама, коршиносон аз истеъфои навбатии ҳукумат интизории зиёд надоранд. Ба гуфтаи онҳо, шояд Эмомалӣ Раҳмон “рамзан” ба ислоҳот даст зада, бархе аз аъзои ҳукуматро ба нафақа гусел бикунад. Ин ҷо бештар аз нахуствазири 70-солаи кишвар Оқил Оқилов ном бурда мешавад. Аз аъзои ҳукумат, аз ҷумла синни Руқия Қурбонова (57), ноиби нахуствазири кишвар, Ҳамрохон Зарифӣ (64), вазири умури хориҷӣ, Гул Шералӣ (63), вазири саноат ва энержӣ ба нафақа расидааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Ман

  • 15 ноябр 2013 16:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Инхо барвакт вазифаро харидаанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Behtarin kor meshavad agar ogoi Nematov az varzish istefo ravad. Qasam ba khudo arzanda nesti Maliksho ho dar dictori hamto nadori vale afsus varzish in nes chand sole budi varzishro kharob kardi
Посух додан
  • Давлат

  • 15 ноябр 2013 16:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бо ин хукумати хозира бовар кунед,хеч вакт зиндагии мардум ру ба бехбуди намеорад. Хамаи вазифахо харида ва фурухта мешаванд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман дар мухолифи хукумат на ХНИТ ва Хсд ро мебинам балки азоени сатхи миенаи худи хукуматро охир ин номардист ки вазир хеч гох аз вазифааш рафтан намехохад сохибиансабони сатхи миена бошад ба сини нафака наздик мешаванд аз интизори ба хар намуд касалхо гирифторанд
Посух додан
  • tojik

  • 17 ноябр 2013 10:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
kadome az vazironu raison bosavodu kordonand biguzor kor kunand.charo istefo metiyand?dar joi okilov ubaidulloevro monand ba fikram xubtar ast.
Посух додан
  • хусайн

  • 17 ноябр 2013 22:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин Девонаев фомилашро дигар мекард хуб мешуд. Аз чаноби оли ибрат гиред!
Посух додан
  • вафо

  • 18 ноябр 2013 08:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
факат модари дангараву модари кулобу фархор вазир мезоянд чи??
Посух додан
  • Кулоби

  • 18 ноябр 2013 10:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
вафо,
Нафарони дар хакикат аз шахри Кулоб лагандбардор ва чоплус (подхалим)
нестанд ва хеч вакт нахоханд буд, барои хамин аз худи ш.Кулоб, ягон вазир дар хукумат нест . Хукуматдорони моро бисёр маъкул аст,ки зердастони онхо ба г....зи онхо лабайк гуянд,зеро худи онхо ин хислатро
доранд.
Посух додан
  • Э Р

  • 22 ноябр 2013 16:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
кадр надоштабошен маҶбурем ай Данғара вазир монем

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!