Русский  >>  فارسی  >>  Шанбе 10 декабр 2016, 06:02

Арзи Мӯъмин Қаноат ба Эмомалӣ Раҳмон баъд аз пирӯзияш

15 ноябр 2013, 15:52

Муъмин Қаноат, шоири халқии Тоҷикистон дар як арзномае ба президенти тозаинтихоби кишвар гуфтааст, бовар дорад, Эмомалӣ Раҳмон дар ин чанд соли тақдирсоз, ки ба гуфтаи ӯ ба ҷаҳиш монанд аст, дархостҳои ҳарифон ва дӯстонро ба назар мегирад.

Дар ин арзнома, ки рӯзномаи “ИмрӯзНюс” дар шумораи ахири худ нашр кардааст, ҷаноби Қаноат гуфта, ки интихоботи раёсатҷумҳурии рӯзи 6 ноябр чанд сабабро дар амал нишон дод: “Дар ин ҷо се амр нақши асосӣ доштанд; амри ҳақиқат, амри воқеият, амри зарурат”.

Шоири халқии Тоҷикистон мегӯяд, мувофиқи амри ҳақиқат Тоҷикистон дар марҳилае қарор дошт, ки барномаи рушд ва созандагӣ пурра ба анҷом нарасида буд ва дар атрофи он сару садоҳои мухталиф баланд мешуд. “Намояндагони аҳзоби сиёсӣ, ташкилотҳои ҷамъиятӣ ва гуруҳи зиёиёни демократ ба ҷои барномаи муваффақ ва мувозӣ (алтернативӣ) пешниҳод кардан ба бозгӯи камбудӣ ва норасоиҳо, ба таҳқири шахсиятҳо ва аҳли аёли онҳо пардохтанд. Ин ҳолат дар дохили Тоҷикистон ва берун аз он берангӣ ва бебориро ба вуҷуд овард”,-навиштааст ӯ.

Ба гуфтаи Муъмин Қаноат аз рӯи амри воқеият он чи бунёд шуда буд - роҳҳо, нақбҳо, шаҳрҳо пайкараҳо инсонҳо ба як нимоди холӣ ва камарзиш табдил ёфтанд. Аммо ӯ меафзояд, ки бо тақозои амри зарурат дар ин давраи созандагӣ, мувофиқи қонунҳои дохилӣ ва байналмилалӣ, бояд сармоя андӯхт.

Вай афзудааст, "мардуми огоҳ ва ватандӯсти Тоҷикистон худ ба худ ба хулосае омаданд, ки барои онҳо имрӯз сулҳу субот, ваҳдат ва ягонагӣ, ба анҷом расондани барномаҳои рушди Тоҷикистон аз ҳама муҳимтар аст. Натиҷаҳои райъдиҳӣ изҳори ҳамин самимияти мардум буд. Бояд шукр гузорем, ки тақдир барои мо чунин имкониятро дод, ки ормонҳои гузаштагон ва имрӯзиёнро барои фардои дурахшон дар амал татбиқ кунем, аз рӯи қонунмандӣ маъруфияти нав”.

Ин дар ҳолест, ки Муъмин Қаноат се соли қабл дар як суҳбати ихтисосӣ бо нашрияи мустақили “Миллат” гуфта буд, “то ҳоло ҷанги шаҳрвандӣ тамом нашудааст ва бо шаклу шеваҳои дигар давом дорад”. Ин нуктаи назари шоири мардумии Тоҷикистон дар маҳофили мухталиф сару садоҳои зиёдеро ба вуҷуд овард. Аммо ахиран Эмомалӣ Раҳмон аз шаҳри таърихии Карон, ки Мӯъмин Қаноат яке аз муаррифгарони он аст, боздид анҷом дод.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бахси шахри Карон, тахавулотеро дар афкори олимони таъриху тааддун ба вучуд овард, пас андешаи устод Каноъат хам наметавонист дар пасманзари бархурди андешахои олимони минтакаи мавриди назар тахавулот пайдо накунаду чуз Рахмон каси дигаре созандау начотбахш набинад.
Посух додан
  • Беном

  • 15 ноябр 2013 17:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман рости ба шоирхои хамин хозира хайрон мешам? Як бор бар зидди Хукумату Президент хар гап зада чанг мехохан боя яки мебини шоири дарбори шудиян хамин Бозору Муъмин о шумора дар сиёсат чи мондиян хап шеър навишта гардетон охи рост мегуд хамун Тутульбаева
Посух додан
  • Ато

  • 15 ноябр 2013 17:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамину Бозор дар як колабанд. Чавр бинанд меноланд, неки бинанд меболанд. Тамалуккори мекард Айниро беасос танкид кард бад пушаймон шуду фикраша дигар кард. Сари вазифаба инхел гапхо намегуфт, аз мансаб гирифтандаш сар кард. "орзуи касри Сомонро тамошо кардан доредми?-устод Каноат!"
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ростиро набувад хеч заволе ба чахон,
Сарв агар хушк шавад боз асо мегардад.
Посух додан
  • хусайн

  • 15 ноябр 2013 23:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин хам мисли бозор сохиби манзил шуданист.
Посух додан
  • Ahmad

  • 16 ноябр 2013 08:04
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рости банда дар таҷрибаи 50 соли зиндаги аз шоирони Тоҷикам собитқадамиро дар он чи менависанд надидам. Аз худгузари ийсор бахотири миллат ва кишвар дар инҳо дида намешавад. Шоире ки воқеан мардуми ва миллатдуст бошад ҳамеша бояд аз дардy ғам ва мушкилоти халқаш нависад ва бо ин навиштаҳо ҳақиқати ҳолро ба раҳбарони болои бирасонад. Вале афсус ки шоирони Тоҷики мо ақида ба ҳеҷ чизе надоранд ва ҳар вақте ба инҳо мансаб ё маблағе пешниҳод гардад аз ҳақиқатгуи боз меистанд то он даме ки еҳсос карданд дигар ба инҳо таваҷyҳ нашyд нолишy танқидро сар мекунанд. Ин магар роҳи мардонагист? Мард ҳамеша бояд мард бошад. Калавиданҳои шоиро сиёсатмадоро ва руҳониён дар мавриди гуфтани ҳақ амрест манфур ва сифатест ки аз он буи нифоқ миояд.
Посух додан
  • Карим

  • 16 ноябр 2013 21:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рост гуфтаи бародар.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
аккалан худро шоир наноманд....

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!