Русский  >>  فارسی  >>  Якшанбе 4 декабр 2016, 00:46

Генерал Зоиров дар бораи амалиёти “Молния” ва ошкори 111 гуруҳи ҷиноӣ

16 ноябр 2013, 10:00

Раёсати мубориза зидди ҷиноятҳои муташаккили Вазорати корҳои дохилӣ дар даҳ соли охир зиёда аз даҳуним ҳазор (10 878) ҷиноят ошкор карда, 111 гурӯҳи муташаккили ҷиноятӣ дар ҳайати 451 нафарро, ки 2414 ҷиноят содир кардаанд, ошкор намудааст.

Ҷурахон Зоиров, генерал майори милитсия, 15-уми ноябр, бахшида ба рӯзи таъсисёбии раёсати мазкур, гуфт, «ҷиноятҳои муташаккил дар ҷомеаи имрӯза, яке аз омилҳои хавфноки олами ҷиноӣ ба ҳисоб рафта, муборизаи пуршиддат бар зидди ин навъи хатар, ба яке аз вазифаҳои муҳим ва аввалиндараҷаи мақомоти ҳифзи ҳуқуқ мубаддал гардидааст».

Ҳамчунин генерал аз солҳои душвори ҷанги шаҳрвандӣ ёдовар шуда, афзудааст, ки «соли 2001 кормандони Раёсат дар амалиёти махсуси «Молния» оид ба безарар гардонидани гурӯҳҳои бандитӣ таҳти роҳбарии Сангинов Раҳмон, Муаккалов Мансур, Тағоев Сафар ва дигарон, ки садҳо ҷинояти вазнин ва махсусан вазнин аз қабили кушторҳо, ғасби гаравгон, роҳзанию ғоратгарӣ, тамаъҷӯӣ дар минтақаи ноҳияҳои Рӯдакӣ, Ваҳдат ва шаҳри Душанбе содир намуда буданд, фаъолона иштирок намуда, дар маҳвсозӣ ва дастгир намудани аъзоёни ин гурӯҳҳои ҷиноятӣ саҳми арзанда гузоштаанд».

Генерал-майори милитсия Ҷурахон Зоиров афзудааст, ки айни ҳол терроризм, экстемизми динӣ, хариду фурӯши одамон ва ҷиноятҳои кибернетикӣ ба яке аз мушкилтарин проблемаи ҷаҳони муосир табдил ёфтааст: "Муқовимат бар зидди ин падидаҳои номатлуб яке аз масъалаҳои муҳим ва зарурӣ, пеш аз ҳама бар души Раёсати мубориза бар зидди ҷиноятҳои муташаккил ва дигар ҷузъу томҳои мақомоти корҳои дохилӣ вогузор карда шудааст."


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!