Русский  >>  فارسی  >>  Панҷшанбе 8 декабр 2016, 23:03

Бародарзодаи Зайд Саидов озод шуд, аммо бе паспорт монд

19 ноябр 2013, 09:15

Дилшод Раҳимов, бародарзодаи Зайд Саидов, ки рӯзи 18 ноябр ҳангоми бозгашт аз Эрон дар фурудгоҳи Душанбе боздошт гардид, тақрибан соати 8-и шоми ҳамон рӯз озод гардидааст. Наздикони ӯ мегӯянд, оқои Раҳимов аз як сӯ барои иштирок дар маросими дафни модараш, ки рӯзи 17 ноябр даргузашта буд ва аз сӯи дигар барои шоҳидӣ додан дар мурофиаи Зайд Саидов ба Тоҷикистон омадааст.

Яке аз наздикони Дилшод Раҳимов дар сӯҳбат ба “Озодагон” гуфт, мақомот ҳанӯз шиносномаи ӯро барнагардондаанд. “Мо то ҳол ба ин савол ҷавоб намеёбем, чаро номи ӯ дар феҳристи одамонест, ки таҳти пайгард қарор доранд. Барои кадом кораш?”,-афзуд мусоҳиби мо.

Дилшод Раҳимов дар мурофиаи Зайд Саидов яке аз шоҳидони аслӣ ва ё калидӣ дониста мешавад. Вай қаблан иттиҳомоти Оҷонсии зидди фасод дар Тоҷикистон алайҳи Зайд Саидов дар мавриди аз Низомхон Ҷӯраев кашида гирифтани "Тоҷикатлас"-ро буҳтон номида буд.

Оҷонсии зидди фасод Зайд Саидовро дар он муттаҳам мекард, ки ҳангоми вазирияш корхонаи “Тоҷикатлас”-ро бо сӯиистифода аз мавқеяш аз Низомхон Ҷӯраев кашида гирифтааст. Аммо Дилшод Раҳимов мегӯяд, “Тоҷикатлас”-ро ӯ харидааст, на Зайд Саидов. Ӯ таъкид намуда буд, агар амнияту дахлнопазирияш дар Тоҷикистон кафолат дода шавад, омодааст, ба Ватан баргардад ва ба қазияи “Тоҷикатлас”-у Зайд Саидов рӯшанӣ андозад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!