Худдории 40%-и занони шавҳардори тоҷик аз таваллуд
Оҷонсии омори Тоҷикистон бо кумаки созмони USAID-и Амрико нахустин тадқиқоти тиббӣ-демографӣ гузаронда, муайян намудааст, ки беш аз 40 дарсади занони шавҳардор дар Тоҷикистон намехоҳанд фарзанд таваллуд кунанд.
Зимни муаррифии натиҷаҳои ин тадқиқот, ки рӯзи 20 ноябр дар Душанбе сурат гирифт, қайд гардид, ки ба як зан дар Тоҷикистон 3,8 таваллуд рост меояд ва ин ҳолат дар деҳот нисбат ба шаҳр зиёд мебошад. Тибқи ин пажуҳиш, дар Тоҷикистон танҳо 26%-и занони шавҳардор аз усулҳои замонавии пешгирии ҳомиладорӣ истифода мебаранд.
Ин пажуҳиш муайян кардааст, миёни занҳое, ки дар 5 соли ахир таваллуд кардаанд, ба 79%-и онҳо ёрии баландихтисоси тиббии пеш аз таваллуд расонда шудааст. Гуфта мешавад, дар Тоҷикистон 23% таваллудҳо дар хона мегузаранд. Таваллуд дар хона бештар дар вилояти Бадахшон - 34% ва миёни мардуми камбизоат - 41% ба назар мерасад. Ҳолатҳои таваллуд, ки ба наздикӣ гузаштаанд, 87% бо ёрии кормандони баландихтисоси соҳаи тиб ва 77% дар муассисаҳои тиббӣ гузаронида шудаанд.
Ин тадқиқот маълум намудааст, фавти кӯдак дар Тоҷикистон нисбат ба чанд соли пеш коҳиш ёфтааст. Дар солҳои 2008-2012 фавти кӯдакони то 5-сола 43 фавтро ба 1000 зиндатавллуд ташкил медиҳад, ки ин нишондод дар солҳои 2002-2007 54 фавти кӯдак ба 1000 зиндатаваллуд ва дар солҳои 1998-2002 74 фавт ба 1000 зиндатаваллуд рост меояд. Дар Тоҷикистон танҳо 33% занҳои синни 15-49 сола медонанд, ки истифодаи рифола, маҳдуд кардани алоқаи ҷинсӣ танҳо бо як шарики сироятнаёфта метавонад сирятпазирии ВНМО-ро пешгирӣ намояд. Ин фоиз миёни занҳои бесавод ё занҳое, ки соҳиби маълумоти ибтидоӣ мебошанд, 17% ва занҳои дорои маълумоти олӣ 63%-ро ташкил медиҳад.
Тадқиқот нишон додааст, ки 34%-и кӯдакони то синни 6- моҳа танҳо аз шири модар истифода мебаранд. Ҳамчунин тибқи ин пажуҳиш 26 дарсади кӯдакон дар синни то 5-солагӣ қадпаст буда, аз камғизогии доимӣ азият мекашанд. 10%-и кӯдакон аз камхӯрии музмин азият мекашанд ва 12%-и онҳо аз сабаби норасои ғизо камвазн мебошанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |