Русский  >>  فارسی  >>  Сешанбе 6 декабр 2016, 20:58

Посбони манзили Амонулло Ҳукуматулло: “Расул дар хона нест”

21 ноябр 2013, 10:45

Хабарнигори “Озодагон” се рӯз пайиҳам ба нишоние, ки Вазорати умури дохилии Тоҷикистон ҳамчун манзили Расули Амонулло -- писари 16-солаи Амонулло Ҳукуматулло, раиси ширкати Роҳи оҳан, сабт кардааст, рафт. Аммо хидматкору посбони манзил гуфтаанд, дар хона касе нест ва намедонанд, Расулу волидонаш дар куҷоянду кай ба хона меоянд.

Хабарнигори мо мехост, аз наздик Расули Амонуллоро дида, ҷузъиёти садамаи шаби 9 октябрро аз забони худи ӯ бишнавад. Ин садама, ки дар маркази Душанбе иттифоқ уфтод, се нафарро кушта, се тани дигарро маҷруҳ кард. Мақомот дар аввал Асрор Ҳукумовро муттаҳами ин қазия эълон намуда, сипас, номи Расули 16-соларо ба забон оварданд. Аммо ҳоло Вазорати умури дохилӣ ба муқобили Умар Шарифов, як иштирокчии дигари ин садама, парвандаи ҷиноӣ боз карда, таҳти пайгард қарор додааст.

Алайҳи волидони Расули 16-сола танҳо барои “беэътиноӣ ва бемасъулиятӣ нисбат ба тарбияи фарзанди ноболиғашон” парвандаи маъмурӣ боз шуда, ба додгоҳи ноҳияи Исмоили Сомонӣ ирсол гардидааст. Хидматкор ва посбони манзили Амонулло Ҳукуматулло аслан дар ин бора ва худи Расули 16-сола ҳарфе гуфтан нахостанд. Онҳо гуфтанд, дар бораи ҷузъиёти ин ҳама ҳодиса хабаре надоранд ва кори онҳо танҳо нигоҳубини хона асту бас.

Пайдо кардани худи Амонулло Ҳукуматулло низ дар ҷои кораш мушкил шудааст. Баъзе мегӯянд, ӯ ба рухсатӣ баромадасту баъзеи дигар ҳам аз имзо шудани номаи истеъфояш хабар медиҳанд. Вале чунин сарусадо ҳанӯз расман тасдиқ нашуда, дар нахустин тағйироти кардӣ ва ҷойивазкуниҳо низ номи Амонулло Ҳукуматулло зикр нашудааст. Садамаи маргбори шаби 9 октябр дар ҷомеаи Тоҷикистон вокунишҳои мухталифро ба бор овард. Дар пайи эълони номи Расули 16-сола дар ин садама аксҳои мухталифи ӯ бо мошини БМВ-яш дар шабакаҳои иҷтимоӣ пайдо шуда, хабари ба Олмон фирор кардани ӯ низ паҳн гардид. Аммо Амонуллои Ҳукуматулло ин ҳамаро иттиҳоми сохтаву бофта номида ва гуфт, расонаҳо дар мавриди садамаи шаби 9 октябр ахбори беасос ва носанҷида нашр мекунанд. Дар ҳоле ки ба бовари ӯ Расул дар сари фармони мошин набуда, танҳо баъд аз парвози писараш ба Олмон аз ин ҳодиса дарак ёфтааст.

Ин дар ҳолест, ки рӯзи 20 ноябр Эмомалӣ Раҳмон, раисиҷумҳури Тоҷикистон, дар бинои Вазорати умури дохилӣ дар бораи ҷинояткории ҷавонон дар роҳҳои кишвар сухан гуфта, таъкид кард, ки сарфи назар аз фарзанди кӣ буданашон бояд онҳо дар назди қонун яксон ҷавоб гӯянд.


Шарҳи худро бинависед:

Ном:*
E-Mail:
Матни шарҳ:
Посух додан
  • ҳайрон

  • 21 ноябр 2013 10:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин Расул ба само рафта бошад, ки дар хона уро ёфта намешавад.
Посух додан
  • Рахмдил

  • 21 ноябр 2013 11:01
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Падари Умар писарашро бегунох хондааст ВКД мегуяд нисбати Умар парвандаи чинои боз шуда дар кофту ков карор дорад. Умар бошад дар шахри Душанбе озод гаштааст. Хамин Милитсия ба пулис иваз шавад хам хамун мемонад. мегуянд ку ХАР ХАМУНУ ХАТУМАШ ДИГАР. Чоп кун Озодагон агар озода боши
Посух додан
  • Точик

  • 21 ноябр 2013 11:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кани як сухбат бо Умар Шарипов кунед кани чи мегуяд?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Нисбат ба абзатси ахир: ҲАРФ ДИГАР, АМАЛ ДИГАР!
Посух додан
  • Ман

  • 21 ноябр 2013 12:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мақомоти дахлдорро мебояд кори анҷомдодаи вакилони Зайд Саидро дар мавриди ташхиси такрории ДНК дида, рамузфаҳм бошанд ва худашонро аз шармандагӣ дар пеши мардуму Худои онҳо эмин нигаҳ доранд. Ин мақомдорони мо, агар чунин рафтан гирад на танҳо худро, балки миллату давлату сарвари онро сархаму шарманда мекунанд, ин ҳам дар ҳоле, ки Ҷаноби Олӣ аз волоияти қонун ва баробари ҳама назди он сухан кард... Ин Умар ҳеҷ номумкин аст, ки сари чанбари мошин шишта бошад, агар ҳа, ку далел, ақалан ягон ҷароҳат бардоштааст!??? Расул дар саҳифааш воҳима карда навиштааст, ки мошина нав кардаму дар роҳи Варзоб бо суръати 300 рондам онро...(акси саҳифааш бо суханонаш дар сомонаи Озодӣ) Аз ВАО хоҳиш ҳеҷ гоҳ нагузоред ин тақаллубкорон корашонро анҷом диҳанд. Аз дасти шумо меояд ин кор... ин хизмат ба Ватан, хизмат ба мардум ва адои фаризаи инсониву корӣ пеши Худо аст...Зинда бод АДОЛАТ!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом озодагон агар ман якин донам ки шумо фурухтанашавандаед ман як далелхое барои шумо равон хохам кард ки дар хайрат мемонед.чавоби манро дар хамин назарсанчихо пахш кунед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин нобакор Расул дар озоди? кани хиси ватандусти? ба чои фарзанди рохбари Чойхонаи Рохат ду урус бача мебуд

чои ту панчара дигар бачахо ба садама меафтанд касе намемирад онхо паси панчара мешаванд ту худат ки ки панчарарро бо хамрохии Рустами бародарат намебинед ё ин ки хамаро алакай "Амон харидааст

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!