Русский  >>  فارسی  >>  Якшанбе 4 декабр 2016, 21:18

Қосим Қосимов монд. Вазифаҳои нави Тағоева, Усмонов ва Орумбеков

21 ноябр 2013, 13:30

Рӯзи 21 ноябр бо фармони Эмомалӣ Раҳмон, раисиҷумҳури Тоҷикистон, Маҳмадамин Маҳмадаминов -- вазири меҳнат ва ҳифзи иҷтимоӣ ва Мирзошоҳрух Асрорӣ -- вазири фарҳанг аз мақомҳояшон барканор шудаанд.

Дафтари матбуоти раёсати ҷумҳури Тоҷикистон мегӯяд, бо фармони президент Сумангул Тағоева, ки то ҳол ба ҳайси раиси Кумитаи занон ва оила кор мекард, вазири меҳнат, муҳоҷират ва шуғли аҳолӣ таъин гардидааст. Ба иттилои манбаъ, Усмоналӣ Усмонов вазири энержӣ ва захираҳои оби Тоҷикистон таъин шудааст, ки то ҳол вазифаи Директори иҷроияи Муассисаи давлатии “Маркази идораи лоиҳаҳои бахши электроэнергетика”-ро ишғол карда буд.

Эмомалӣ Раҳмон вазири нави фарҳанги Тоҷикистонро Шамсиддин Орумбеков таъин намудааст. Оқои Орумбеков то ҳол мушовири президенти Тоҷикистон оид ба сиёсати кадрҳо будааст. Раҳмат Бобокалонов низ аз вазифаи вазири мелиоратсия ва захираҳои оби Тоҷикистон барканор шудааст, чун тибқи таҷдиди ахири сохтори ҳукумат ин вазорат умуман барҳам дода шуд.

Дар ҳамин ҳол, Нусратулло Салимов, вазири тандурустӣ, Рустам Менглиев, вазири адлия ва Қосим Қосимов, вазири кишоварзии Тоҷикистон ин мақомҳояшонро дар ҳукумати нави Эмомалӣ Раҳмон ҳифз карда, дубора ба вазифаҳои худ таъин гардидаанд. Хадамоти матбуоти раисиҷумҳури Тоҷикистон мегӯяд, фармонҳои дахлдори Эмомалӣ Раҳмон барои тасдиқ ба парлумони кишвар пешниҳод гардиданд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шахмат бози сар шуд!
Посух додан
  • tojik

  • 23 ноябр 2013 23:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
viloyati kulob tashkil karda shavadu biguzor afzalov raisi viloyati kulob shavad.raisi xub hast-xizmati kulobihoro kunadu kulobro bo nohiyahoyash obod kunand.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!