Русский  >>  فارسی  >>  Шанбе 10 декабр 2016, 23:29

Раиси Иттиҳоди мусулмонони Қазоқистон ба пуштибонии Гулнора Каримова бархест

25 ноябр 2013, 11:21

Иттиҳоди мусулмонони Қазоқистон (ИМҚ) аз мақомоти кишвари худ хостааст, ба Гулнора Каримова, духтари раисиҷумҳури Узбакистон ҳаққи паноҳандагии сиёсӣ диҳад.

Ба иттилои расонаҳои қазоқӣ, Мурод Телибеков, раиси ИМҚ бо ирсоли як нома ба унвони вазири умури хориҷии ин кишвар, аз ӯ хостааст, ки фавран ба Гулнора Каримова ҳаққи паноҳандагии кишварашро пешниҳод кунад. Ба гуфтаи Телибеков, ироаи паноҳандагии сиёсмии Қазоқистон ба духтари раисиҷумҳури Узбакистон қадами ҷадид дар стратегияи сиёсати хориҷии кишвараш маҳсуб мешавад: “Шояд ин иқдом ба раванди демократикунонӣ дар Осиёи Марказӣ низ саҳм гузорад.”

Раҳбари Иттиҳоди мусулмонони Қазоқистон ҳукумати феълии Узбакистонро зери бори танқид қарор дода, аз он ибрози таассуф намудааст, ки ин кишвар замоне пойтахти фарҳангии Осиёи марказӣ маҳсуб мешуд.

Гулнора Каримова духтари калонии Ислом Каримов, президенти Узбакистон аст. Гулнораро дар чанд соли қабл вориси аслии курсии падар медонистанд. Аммо чанд вақти ахир дар мавриди сардӣ миёни ӯ ва падараш сару садоҳои зиёде ҳаст. Ҳатто гуфта шуд, Ислом Каримов Гулнораро задааст. Ҳоло чаҳор шабакаи телевизионии марбут ба ӯ аз фаъолият боз монда, бархе аз ширкатҳои вобаста ба духтари раисиҷумҳури Узбакистон мавриди бозҷӯии мақомоти қудратии узбак қарор гирифтанд. Хонум Каримова ин овозаҳоро таъйид ва иқдоми мақомоти қудрати кишварашро ғайриқонунӣ унвон карда буд.



Шарҳи худро бинависед:

Ном:*
E-Mail:
Матни шарҳ:
Посух додан
  • МУХОЧИР

  • 26 ноябр 2013 08:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ЯХЕЛ ДАВЛАТОИ ДИГАДАМ АМИХЕЛИ МЕШУД ИНШОАЛЛОХ БИСЁ ВАРИАНТИ ХУБ МЕШУДДД.....

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!