27 ноя 2013 09:59Оcиёи Марказӣ / Туркманистон

Хроника Туркменистана: Дар Ашхобод занон “облава” мешаванд

Давоми як моҳи ахир дар шаҳри Ашхобод, пойтахти Туркманистон кормандони пулис дар либоси мулкӣ ба боздошти занҳо дар қаҳвахона, тарабхона ва клубҳои шабона машғуланд. Дар ин бора торнамои “Хроника Туркменистана” хабар додааст.

Ба иттилои манбаъ, баъди соати 23:00, ки то ин соат муассисаҳои фароғатӣ ҳаққи фаъолият доранд, занҳо дар кӯча дастгир ва ба идораи пулис бурда мешаванд. “Аз занҳои боздоштшуда ба таври маҷбурӣ намунаҳо барои муайян намудани маризиҳои сироятӣ ва ташхиси пешоб барои маълум кардани нашъаманд будан ё набудани онҳо гирифта мешавад”,-менависад торнома ва меафзояд, ки “боздошт ё “облава”-и занҳо аз рӯи чунин сенария сурат мегирад: гуруҳи мардон бо либоси мулкӣ вориди муассисаи фароғатӣ шуда, занҳоро боздошт ва идораи пулис мебаранд. Онҳо ҳам занҳоеро, ки дар танҳоӣ нишастаанд ва ҳам занҳоеро, ки ҳамроҳи мардон-дӯстписар ё шавҳарҳояшонанд, дастгир мекунанд. Ба мардон кордор намешгаванд, танҳо занҳоро мебаранд. Дар ин миён суханҳои шавҳар ва бародарҳои онҳо кора намекунад. Кормандони пулис талаб мекунанд, ки шавҳар ё хеш будани худро онҳо аз рӯи санад муайян созанд. Мардон маҷбур мешаванд, таксӣ киро намуда ба хонаҳояшон бираванд ва ҳуҷҷатҳои тасдиқкунандаро ба идора пулис биёранд”.

“Хроника Туркменистана” менависад, ки кормандони пулис ин амали худро иқдом барои мубориза бо фоҳишагӣ арзёбӣ мекунанд. Ба гуфтаи онҳо дар ҷараёни ин амалиёт ҳолатҳои зиёди маризиҳои сироятӣ ва нашъамандӣ миёни занҳоро ошкор сохтаанд.

Дар ҳамин ҳол ба навиштаи манбаъ, сару садоҳо ҳаст, ки аз соли 2016 ба занҳо рондани мошинро манъ мекунанд: “Аллакай чанд сол мешавад, ки дар самти соҳиб шудан ба шаҳодатномаи ронандагӣ занҳо бо мушкили зиёд мувоҷеҳанд. Агар мардон барои ба даст овардани шаҳодатнома дар ҳаҷми 2000 доллар ришва диҳанд, пас ин нарх бари занҳо ду баробар гаронтар аст”.

Мӯҳр

Хабарҳои монанд:

Талхак

Бубинед бародарон! Хамсояи мо Туркманистон барои солим мондани насли худ аз хар гуна касалихою нашъамандихо чи корхоеро анчом намедиханд. Чаро мо Точикистониён чунин икдомеро ки хакмсояи мо гирифтааст анчом надихем? Миллати солим пешрафти кору таракиёти давлатаст. Чаро мо ин корро накунем? чаро?????????

Ҷавоб диҳед Иқтибос Шикоят

Rambo

Талхак,
Baroi on ki mo galu nestemТалхак,

Ҷавоб диҳед Иқтибос Шикоят

корчу

ин гуна сиёсат барои раммаи гусфандон дуруст аст на барои чомеаи инсони. туфу ба руи хукумате ки бидуни розигии шахс зану духтари уро дар кучахо дошта барои ташхис мебарад. ва агар ин амрро хизбе ё мазхабе чонибдори кунад ба руи онхо низ туфу!!!!!!!!!!!

Ҷавоб диҳед Иқтибос Шикоят

Солим

Хеч нафахмидам дар чи бора будани бахсро ?

Ҷавоб диҳед Иқтибос Шикоят

Эзоҳ илова кунед