Русский  >>  فارسی  >>  Якшанбе 4 декабр 2016, 00:46

Майити муовини аввали нахуствазири Тоҷикистон ба Душанбе оварда шуд

3 август 2011, 12:00

Муовини аввали нахуствазири Тоҷикистон Асадулло Ғуломов имрӯз (яъне 3-юми август) аз дунё даргузашт.


То ин замон хабари марги ӯ тайид шуда, аммо дар мавриди маҳалли фавти Ғуломов расонаҳо ахбори зидду нақизеро пахш мекунанд. Хабаргузории СА-News, ки ин иттиллоро аввалин шуда ба нашр расонид, навишта, ки муовини аввали нахуствазири Тоҷикистон ҳангоми боздиди корӣ дар Роғун аз олам даргузашт. Дигар расонаҳо низ ҳамин тавр, макони фавти ӯро  Шаҳри Тус, Панҷи Поён ва Сангтӯда ба қалам медиҳанд.

Гуфта мешавад, Асадулло Ғуломов пас аз анҷоми боздиди корӣ аз ҷануби кишвар ба Душанбе баргаштанӣ будааст. Аснои ба чархбол наздик шудан, ӯ аз пой меафтад. Дар ҳоли ҳозир дақиқан рӯшан нашуда, ки сабаби марги Ғуломов чӣ аст, сактаи қалб ва ё сактаи мағзи сар. Ҷасади ӯ ба Душанбе мунтақил шуда, дар яке аз сардхонаҳои пойтахт нигаҳбонӣ мешавад. Замони дафн ва макони ҷанозаи ӯ то ҳанӯз мушаххас нашудааст.
Маврид ба ёдоварист, Асадулло Ғуломов ҳамагӣ 57-сол дошт. Ӯ 28-уми феврали соли 1954 дар ноҳияи Данғара ба дунё омадааст. Фаъолияти меҳнатиашро аз соли 1976 дар зодгоҳаш шурӯъ карда, солҳои 2000-2003 ба ҳайси райиси ноҳияи Фрунзе (ҳоло Сино)-и шаҳри Душанбе ифои вазифа дошт. Аз соли 2003 то 2006 ба симмати муовини нахуствазир ва аз соли 2006 то дами маргаш муовини аввали сарвазири ҶТ буд. Бо нишони «Шараф» ва унвони «Корманди хизматнишондодаи Тоҷикистон»  қадрдонӣ шудааст.{jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!