Истиқболи Тоҷикистон аз созишҳои Эрон бо абарқудратҳо
Вазорати умури хориҷии Тоҷикистон бо пахши як изҳорот аз тавофуқоти Эрон бо гурӯҳи давлатҳои «5+1» дар масоили барномаи ҳастаии Эрон истиқбол кардааст.
Дар изҳороти расмии Тоҷикистон омадааст, “аз як ҷониб эътироф намудани ҳаққи мусаллами Эрон ба татбиқи барномаи мусолиматомези ҳастаӣ ва аз ҷониби дигар лағв намудани бархе аз таҳримҳои нисбати ин кишвар татбиқшуда омилҳои мусбати ин тавофуқ ба назар мерасанд.“
Вазорати умури хориҷии Тоҷикистон таъкид мекунад, ки ин иқдомоти аввалинро бо қаноатмандӣ истиқбол намуда, умедвор аст, ки марҳилаҳои минбаъдаи гуфтушунидҳо ба ҳаллу фасли ниҳоии ин қазия мусоидат намуда, барои тақвияти сулҳу субот дар ин минтақаи ҳассос заминаи хубе хоҳанд шуд.
Ин дар ҳолест, ки ахиран кишварҳои абарқудрати дунё, аз ҷумла Амрико, Русия, Чин, Британияи Кабир, Фаронсаю Олмон бо Эрон як созишномае барои 6 моҳ бастанд, ки дар доираи он Эрон ҳақ дорад, уранро танҳо то 5 дарсад ғанӣ кунаду як қатор уҳдадориҳои дигар ба дӯш гирифтааст. Дар ивази ин бархе аз таҳримҳо, аз ҷумла манъи содироти тилло, металҳои қимматбаҳо, мошин ва ғайра лағв гардиданд, ки ба Эрон имкон медиҳад, то 7 миллиард доллари амрикоиро ба даст орад. Дар акс: Ҳамрохон Зарифӣ, вазири умури хориҷии Тоҷикистон
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |