Русский  >>  فارسی  >>  Шанбе 10 декабр 2016, 11:50

Ҳафт сол зиндони “муллои ҷодугар” бе тағйир боқӣ монд

27 ноябр 2013, 13:06

Додгоҳи шаҳри Душанбе аризаи шикоятӣ ё кассатсионии вакили мудофеи Асадулло Иброҳимов, маъруф ба “муллои ҷодугар”-ро, ки қаблан бо ҳукми Додгоҳи ноҳияи Сино ба ҳафт соли зиндон маҳкум шуда буд, бе тағйир боқӣ гузошт. Ин аризаи шикоятӣ рӯзи 27 ноябр таҳти раёсати Фахриддин Дадометов, додарси Додгоҳи шаҳри Душанбе, баррасӣ гардид.

Мавлудҷон Салихов, вакили мудофеи Асадулло Иброҳимов, мегӯяд, аз ин қарори Додгоҳи шаҳри Душанбе розӣ нест. Дар ҳоле ки, ба гуфтаи ӯ, онҳо тамоми санади лозимиро дар бораи амдан ва ё барқасдона сабт кардани навори муносибати маҳрамони нафари таҳти ҳимояташ бо Зулола Раҳимоваро ба додрас пешниҳод кардаанд.

Ӯ дар сӯҳбат ба “Озодагон” гуфт, “мо ба додрас фаҳмондем, ки ин навор тавассути дастгоҳи хос ва бо ёрии кадоме сабт шудааст. Охир, Айфон пой надорад, ки ҳар лаҳзаи аз ин ҷо ба он ҷо рафтани онҳоро наворбардорӣ кунад. Ин корест, ки барқасдона анҷом шудааст. Гузашта аз ин, дар навор ҳам дида мешавад, ки Зулола на иҷборӣ, балки бо майли худ бо нафари таҳти ҳимояти мо муносибат мекунад. Вале додгоҳ ин ҳамаро ба назар нагирифт.”

Додгоҳи ноҳияи Синои шаҳри Душанбе рӯзи 24 октябри соли ҷорӣ Асадулло Иброҳимов, маъруф ба “муллои ҷодугар”-ро ба 7 соли зиндон маҳкум карда, ба пардохти 14 ҳазор сомонӣ ҷарима муваззаф намуд. Исмоил Давлатов, додраси ноҳияи Сино, Асадулло Иброҳимовро аз ҳаққи машғул шудан ба фаъолияти динӣ барои 5 сол маҳрум кард. Худи Асадулло дар толори додгоҳ гуфта буд, ба Зулола ягон хел фишор ё зӯрӣ накардааст ва бинобар ҳамин, худро гунаҳкор наҳисобида, аз ҳукми додгоҳ розӣ нест. Мавлудҷон Салихов дар тақвияти гуфтаҳои зерҳимояаш гуфт, дар мурофиаи додгоҳӣ вақте ба Зулола Раҳимова суол дода шуд, ки “Шумо дар сабти навор дар вақти дуохонӣ ва ба оғӯш гирифтани домулло ягон ҳаракатҳои зӯроварӣ дидед ва чаро напурсидед, ки чунин мекунад?” посух дод, ки “гумон кардам, дуохонӣ ва баровардани тарс ҳамин хел будааст.”

Мурофиаи додгоҳии Асадулло Иброҳимов рӯзи 18 октябр дар додгоҳи Синои шаҳри Душанбе оғоз ёфта, 24 октябр бо ҳафт сол ҳукми зиндони ӯ поён ёфт. Парвандаи ӯ аслан аз рӯи наворе таҳия шуд, ки Асадулло Иброҳимов дар он бо Зулола Раҳимова амалҳои шаҳвонӣ анҷом медиҳад. Ин навор қаблан тариқи телевизионҳои давлатӣ низ намоиш дода шуд ва дар як вақт ба шабакаи интернет ҳам роҳ ёфт, ки то ҳоло аз ҷумлаи сербинандатарин наворҳои тоҷикист.


Шарҳи худро бинависед:

Ном:*
E-Mail:
Матни шарҳ:
Посух додан
  • ф

  • 27 ноябр 2013 13:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин мулло он занро ягон кор накарда 7 сол гирифт. Аккалан як бор бо у зино мекард, он кадар аламаш намекард.
Посух додан
  • ввп

  • 27 ноябр 2013 13:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман аз озодагон хоҳиш мекунам, ки калимаи муллои ҷодугарро нанавасанд зероки мулло ҷодугар намешавад чоду кори пайравони худо нест кори пайравони иблис аст. Асадуло Иброҳимови ҷодугар бинависед.Умедворам хоҳишамро рад намекунед.
Посух додан
  • фира

  • 27 ноябр 2013 14:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ба Ф ту мусалмон боши набояд ин суханро мегуфти ин чодугари чандин занхоро зино кардааст,уро бояд дар овезон карда сангсор менамуданд ва часадашро оташ мезаданд..
Посух додан
  • Мурод

  • 27 ноябр 2013 16:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Муллои мужика нодуруст суд кардан
Посух додан
  • Б

  • 27 ноябр 2013 17:53
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чавоб ба Ф. Ту кури, кари чи бало. Домулло чи хел коре накардас кур? Намебини ончо чи хел миёнакзани мекунад. Ту якбор ягон хохарата ё ягон наздиката хамин Иброхимов хамин хел кунад бад шояд фахми ва гуи ки коре накард. Барои ин 7 сол хеле кам акалан 20-21 сол медоданд ба дигар харомон ибрат мешуд.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!