Русский  >>  فارسی  >>  Якшанбе 11 декабр 2016, 10:58

Мулоқоти Муҳиддин Кабирӣ бо муфтии Тотористон

28 ноябр 2013, 11:13

Муҳиддин Кабирӣ, раиси Ҳизби наҳзати исломии Тоҷикистон дар ҷараёни сафараш ба шаҳри Қазон бо Камил Самигуллин, муфтии Татаристон мулоқот намудааст. Ин вохӯрӣ рӯзи 27 ноябри соли ҷорӣ дар Идораи марказии муфтиёти Қазони Русия сурат гирифта, дар он ҷонибҳо ба масоили муҳоҷират, таҳсили донишҷӯёни тоҷик дар мадориси исломии ин кишвар дахл карда, хоҳони ҳамкориҳои бештар шудаанд.

Раҳбари ҲНИТ дар идома аз муфтиёти Тотористон ба хотири дастгирӣ ва ҳамкорияш бо муҳоҷирони кории тоҷик ва фароҳам кардани шароити таҳсил барои донишҷӯёни тоҷик дар мадориси исломии ин кишвар минатдорӣ кардааст.

Камил Самигуллин низ дар навбати худ нақши тоҷиконро дар паҳн намудани фарҳанги исломӣ бисёр муҳим хонда, аз қиссаи як муҳоҷирбачаи тоҷик, ки дар нуқтаи фурӯши сӯзишворӣ кор мекарду ахиран дар сархати расонаҳои русӣ қарор гирифта буд, ёдовар шудааст. Муфтии Тотористон аз амалкарди муҳоҷири тоҷик бисёр хушнуд гардида, гуфтааст, ӯ як ҳамёни муштарии худро пайдо карда, баъд аз чанд муддати пурсуҷӯ тавонист онро дубора бо тамоми маблағи дошта ба соҳибаш баргардонад.

Самигуллин дар идомаи дидор бо раиси ҲНИТ ва вакили парлумони Тоҷикисон дастовардхои муфтиёт, аз ҷумла итобхонаи электронӣ ва радиои интернетиро нишон додааст.

Тотористон яке аз ҷумҳуриҳо ва манотиқи мусулмоннишини Русия ба шумор меравад.

Маврид ба зикр аст, Муҳиддин Кабирӣ дар доираи як сафари худ ҳоло дар шаҳри Қазон, пойтахти Тотористон қарор дорад. Раиси ҲНИТ ва вакили парлумони кишвар рӯзи 26 ноябр бо тоҷикони муқими ин минтақа мулоқотеро анҷом додааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!