Русский  >>  فارسی  >>  Душанбе 5 декабр 2016, 17:34

Изҳороти ВКД дар мавриди боздошти Тиллоев дар Маскав

28 ноябр 2013, 13:33

Вазорати умури дохилии Тоҷикистон, имрӯз, 28-уми ноябр, бо пахши як изҳорот корманди ин ниҳод будани Тиллоев Наҷибулло Нематуллоевичро, ки 26-уми ноябр бо як кило героин дар Маскав боздошт шудааст, рад менамояд.

Вазорати умури дохилии Тоҷикистон мегӯяд, дар мақомоти корҳои дохилӣ ягон нафар корманд бо ин ному насаб фаъолият наменамояд ва ҳуҷҷати корманди ғайриштатии милитсияе, ки аз ҷониби шуъбаи умури дохилии Фирдавсӣ ба Тиллоев ироа гардидааст, аз эътибор соқит дониста шудааст.

Ин ниҳод таъкид мекунад, ки корманди ғайриштатии Шӯъбаи корҳои дохилӣ ягон салоҳияти шахси мансабдор будани онро муайян намесозад.

Ин дар ҳолест, ки мақомоти пулиси Маскав як шаҳрванди 24-солаи Тоҷикистон, Тиллоев Наҷибулло Нематуллоевичро рӯзи сешанбеи 26-уми ноябр бо беш аз як килло героин боздошт кардааст. Дастгиршуда, ки дар хонаи зани русаш дар кӯчаи Палехски Маскав иқомат мекардаст, зимни боздошт шаҳодатномаи корманди Вазорати умури дохилии Тоҷикистонро пешниҳод кардааст.

Мақомоти пулис мегӯяд, нисбати дастгиршуда парвандаи ҷиноӣ боз шуда ва тибқи қонунгузории Русия барои гардиши ғайриқонунии маводи мухаддир дар ҳаҷми калон ба ин шаҳрванди Тоҷикистон ҳабси абад таҳдид мекунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!