Русский  >>  فارسی  >>  Панҷшанбе 8 декабр 2016, 16:55

Роҳи раҳоӣ аз вартаи бало барои Тоҷикистон кадом аст?

30 ноябр 2013, 12:53

Дориюши Раҷабиён, рӯзноманигори тоҷик бар ин аст, ки Тоҷикистон танҳо дар сурати раҳоӣ аз вобастагии Русия ва наздикӣ бо Иттиҳодияи Аврупо, метавонад худро аз вартаи бало раҳо кунад.

Ин рӯзноманигори тоҷик рӯзи 30 ноябр дар саҳифаи Фейcбукаш навишт, мақомоти кишвар ҳоло пеш аз ҳама бояд дар фикри аз байн бурдани кӯчактарин вобастагии Тоҷикистон аз Русия бошанд ва дар ин бора вобастагӣ аз давлатҳои дигар низ истисно нест. Ба қавли Дориюши Раҷабиён, Тоҷикистон инчунин бояд дар фикри баргардонидани беш аз як миллион муҳоҷири худ ба Ватан аз Русия ва ҷорӣ намудани низоми раводид бо ин кишвар бошад: “Барқарории низоми раводид (виза) миёни Тоҷикистон ва Русия, бозгашти муҳоҷирони корӣ ва эҷоди фурсатҳои шуғлӣ (эҳдоси корхонаҳо) дар Тоҷикистон низ ҳатмист.”

Оқои Раҷабиён илова мекунад, қарордоди ҳузури низомии Русия дар Тоҷикистон то соли 2042 мелодӣ ва мавзӯи тақдими хоки ватани тоҷикон ба Чинро дубора ба баррасӣ гирифта, лағв карда шаванд. Ӯ таъкид менамояд, дар сурати иҷро нашудани ин иқдом аз сӯи ҳукумати феълӣ, бояд онро ҳукуматҳои оянда иҷро кунанд: “Ҳар давлате, ки пас аз Раҳмон меояд, бояд лағви ин қарордодро дар садри дастури кори худ қарор диҳад, чун ҳаётист ва руҷӯъ ба санадҳо ва мадорики торихӣ барои исботи далели лағви санади фурӯхтани хоки Тоҷикистон ба Чин, агар қарор аст, касе замин бидиҳад, Ҷумҳурии Халқии Чин аст, ки расман порае аз хокаш "ноҳияи худмухтори тоҷикии Тошқурғон" ном дорад.”

Ин рӯзноманигори тоҷик бар ин андеша аст, Тоҷикистон дар сурате пешрафту рушд хоҳад кард, бо ҳамсоякишварҳои ҳамзабону дорои якфарҳангаш, аз ҷумла Афғонистону Эрон ва Узбакистон робитаи наздик ба роҳ монда, дар фикри таъсиси иттиҳодияи иқтисодии вежа бо ин давлатҳо бошад.


Шарҳи худро бинависед:

Ном:*
E-Mail:
Матни шарҳ:
Посух додан
  • чавон

  • 30 ноябр 2013 13:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Огои Дориюши Рачабиён, ки солиёни дароз берун аз хоки Точикистон дар кишвархои пешрафтаи Гарби ба сар мебарад, бино бар ин шеваи бархурд ба ин казияро сахлу сода мепиндорад.
Посух додан
  • Хонанда

  • 30 ноябр 2013 14:10
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин муаллиф - бародари азизи мо андешахои сатхи ва дур аз вокеиятро барои чомеаи Точикистон пешниход кардааст.

Чаноби муаллиф мегуяд, ки танхо дар сурати дури аз Русия ва наздики бо Аврупо мо рахои хохем ёфт. Ин суханонро як шахрванди кишвархои Прибалтика ё акаллан Кафкози гуяд, мешавад бовар кард. Аммо Точикистон кучову Аврупо кучо. Точикистон ба Аврупо чи хамкориии иктисодие метавонад дошта бошад? Зардолуи хушк ав алюминий экспорт кунад? Ё мухочирони кори? Дар Аврупо бе мо хам зардолуву мухочиру алюминий пур аст. Аз Аврупо мо чи ворид карда метавонем барои мардуми кашшоки точик? Ба гайри мошинхои б/у? Зинда бод молхои арзони хитои.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Президент Раҳмон бояд Дориюшро аз Лондон хоста, Вазири умури хориҷӣ таъин менамуд. Дориюш ҳам забону дониш дораду ҳам ҷаҳонбинии васеъ. Модоме об аз сар гузаштааст, пешниҳод мекунам, ҳануз ҳам дер нест, ӯро ба зудӣ хоста, ҷонишини он вазорат бигузоранд. Ин ҷавонмарди миллатдӯст ва шоистааст!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хонанда,
Аз Аврупо шумо тартиб, интизом, ростқавлӣ ва ростгӯйиро ёд мегиред. Муҳаббат ба илму донишро ёд мегиред. Демократияи воқеъиро ёд мегиред. Забони англисиро ёд мегиред!
Посух додан
  • Таҳлилгар

  • 1 декабр 2013 10:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дориюш пас аз оғози нооромиҳо Тоҷикистонро дар қатори аввалинҳо тарк карда буд. Ҳоло ҳам дар Лондон зиндагӣ мекунад, дар Душанбе танҳо гоҳ-гоҳ меҳмон мешавад.
Ҳама он чӣ гуфтааст, рӯякӣ ва пешниҳодҳояш низ подарҳавоянд.
Аввалан, ҷорӣ намудани раводид бо Руссия ба Тоҷикистон чӣ хоҳад дод? Артиши якуним миллионаи бекорон. Ҷойҳои кориро бо суханони холӣ намешавад офарид, Тоҷикистон соҳае надорд, ки ин миқдор одамро ба кор фаро гирад.
Дувуман, ҳузури артиши Руссия ва "замини фурӯхташуда ба Чин" бошад, бахше аз бозиҳои геополитикии абарқудратҳост. Иштибоҳи кучаке дар ин мавзӯъҳо метавонад барои Тоҷикистон оқибатҳои фоҷеабори бештаре бошад. Мисоли возеҳ Гурҷистон аст, ки ба шарҳ ниёз надорад.
Чин бошад ҳоло танҳо бо Ҷопону Амрико "сӯҳбат" мекунад. Дар воқеъ Чин кайҳост дар Осиёи Ҷанубу Шарқӣ бо Амрикову Ҷопон даст ба гирон аст. Фардо, худое накарда, артиши Чин дар сарҳади Тоҷикистон пайдо гардад, ҳамин дориюшбаринҳо монанди солҳои 90ум аввалин шуда думро сих карда рӯ ба гурез хоҳанд овард.
Барои ҳамин дар урфият гуфтаанд, ки ҳар кас бояд аз паи кори худаш бошад.
Озодагон, илтимос чоп кунед.
Посух додан
  • ironi

  • 1 декабр 2013 21:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
rohe rahoyie hich mellati, nazdik shudan ba in keshvar va on ettehod nist, balke istodan ruye poye khud va bahre gereftan az niruye mellate khud ast.
Посух додан
  • а

  • 2 декабр 2013 10:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ягона рохи рахои ин аст, ки Точикистон бояд кисме аз ягон давлати абаркудрат бишавад. Вагарна як умр гадои карда мегардем.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба а
Яъне, на нохияи Тошкургонро ба мо, балки моро ба нохияи Тошкургон пайваст кунанд?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!