Русский  >>  فارسی  >>  Шанбе 3 декабр 2016, 18:39

“Барқи тоҷик” тарафдори боло бурдани қимати нерӯи барқ

3 декабр 2013, 10:21

Ширкати “Барқи тоҷик”, ки идораи низоми электроэнержӣ дар Тоҷикистон ба ӯҳда дорад, барои рушди соҳа афзоиши нархи барқро зарур мешуморад.

Нозирҷон Ёдгорӣ, сухангӯи ин ширкат, рӯзи 3 декабр дар суҳбат ба «Озодагон» гуфт, аз рӯи тавсияи Бонки Ҷаҳонӣ нархи барқ дар Тоҷикистон бояд ҳадди ақал 2,5 сент бошад: “Лекин ҳоло нархи миёнаи барқ дар кишвар 1,83 сент аст, ки хеле арзон мебошад ва яке аз сабабҳои норасоии барқ ва бӯҳрони энержӣ дар Тоҷикистон низ ҳамин аст.”

Ёдгорӣ иброз дошт, ба назари ӯ нархи барқ бояд афзоиш ёбад то тамоми хароҷоти соҳа пӯшонда шавад: “Агар мо хоҳем, ки система пеш равад, бояд нарх боло бардошта шавад”. Дар баробари ин, сухангӯи “Барқи тоҷик” афзуд, то ҳол ширкаташон расман барои боло бурдани нархи барқ ба ҳукумати Тоҷикистон пешниҳоде накардааст.

Ин дар ҳолест, ки Бонки Ҷаҳонӣ дигарбора ба ҳукумати Тоҷикистон маслиҳат додааст, нархи нерӯи барқ дар кишварро боло бубарад. Дар маслиҳатҳое, ки Бонки Ҷаҳонӣ барои рушди энержии Тоҷикистон ироа намудааст, боло бурдани нархи барқ аз омилҳои аслии ҷалби сармояи дохилию хориҷӣ ба ин соҳа арзёбӣ мешавад. Ин ниҳоди байналмилалӣ мегӯяд, бо нархҳои мавҷудаи барқ сармоягузорӣ дар бахши энержии Тоҷикистон муфид нест.

Бонки Ҷаҳонӣ меафзояд, гароншавии нархи барқ мардумро ба сарфакорӣ водор мекунад. Тибқи созиши Бонки ҷаҳонӣ ва Тоҷикистон нархи барқ дар соли 2013 бояд ҳудуди 3 сент сари ҳар киловатро ташкил медод. Аммо айни ҳол нерӯи барқ барои мардуми Тоҷикистон ба қимати 2,5 сент фурӯхта мешавад. Вале корхонаи алюмнийи тоҷик, ки сеяки барқи тавлидшударо дар Тоҷикистон истифода мебарад, бо нархи камтар аз 2 сент барқ мегирад.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бонки Чахони чи пешниходе кардааст, нархи баркро дар Точикистон бояд боло бурд. Магар ин Бонки Чахониро миёнаш дард кардааст хар чизе,ки дар дахонаш биёяд хамонро мегуяд. Боре мо нашунидаем,ки Бонки Чахони гуфта бошад чаро маоши акали мардум боло бурда намешавад. Боз боиси таасуф аст,ки корхонаи алюмнийи тоҷик, ки сеяки барқи тавлидшударо дар Тоҷикистон истифода мебарад, бо нархи камтар аз 2 сент барқ мегирад. Бубинед ин чи беинсофи магар корхонаи алюмнийи тоҷик гадо шудаст. Чаро ба хамаи мардуми камбизоъат нархи баркро ба қимати 2,5 сент фурӯхта мешавад ва барои корхонаи алюминий 2 сент??? чаро???
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Пардохти маблаги барк, ки 1,83 сентро ташкил менамояд, барои мардуми точик, ки аксарияташон камбизоат мебошанд, айни хол гарони дорад. бе ин ам, мардуми точик неруи баркро бо як сарфаю сариштакорона истифода мебаранд. Агар киммати барк ба гуфти сухангуи Ширкати барки точик шавад, вой ба холи мардуми точик!
Посух додан
  • Б

  • 3 декабр 2013 14:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Пулхои хурдаи собик раиси барки точикро аз халки бечора местонанд вой бар холи шумо ки чабр бар Сари камбагал мекунед .
Посух додан
  • Abdullo

  • 3 декабр 2013 14:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Талхак,
барои онки ТАЛКО оптови клент мебошад ва хати баландшидати 500 кВ дорад талафоти барк хамаги 0,5%ро ташкил медихад. Дар хамаи давлатхо хаминхел оптови клентоба арзон медиханд.
Посух додан
  • Торикбой

  • 3 декабр 2013 14:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Охир мардумро мачбур мекунед ки инкилоб кунанд...зинда бод Торикистон!!! Ба пеш!!!Ураааааа!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Пули баркро зиёд кунед, обашро хам, мусорашро хам, комуналиашро хам, андози замину хонаро хам, кифоя накунад, пули хавои нафасмекашидамонро хам илова кунед, - мо гсфандвор аз дахони кудаконамон зада, супоридан мегирем.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
радиои махкуми озодагон....
Посух додан
  • носир

  • 3 декабр 2013 17:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Киматам кунанд ягон бехбуди намешавад.
Посух додан
  • Ман

  • 3 декабр 2013 19:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Точикистон давлати сохибистиклол асту чаро ба дархости дигарон амал мекунад, охир худаш магар каллаву акл надорад? Не, не. Ин аслан дархости бонки чахони нест ин худи барки ТОЧИК СЕР НАШУДАИСТОДААНД...........

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!