Русский  >>  فارسی  >>  Душанбе 5 декабр 2016, 17:32

Нобоварии Убайдуллоев ба ҳисоботи тобеинаш

3 декабр 2013, 11:35

Маҳмадсаид Убайдуллоев, раиси шаҳри Душанбе, ба ҳисоботҳои масъулини пойтахт оиди бартараф шудани парвариш ва нигоҳдории чорво дар марзи пойтахт бовар накардааст.

Тибқи иттилои дафтари матбуоти шаҳрдорӣ дар ҷаласаи рӯзи 2-юми декабр, масъулини ҳифзи муҳити зист, санитарӣ, байторӣ ва комиссияҳои марказӣ гузориш додаанд, ки парвариш ва нигоҳдории чорво дар марзи Душанбе ҳал шудааст.

Аммо ба иттилои манбаъ Маҳмадсаид Убайдуллоев нисбати воқеияти оморҳои мавҷуда нигаронӣ намуда, дастур додааст, дар муҳлати ду ҳафта, тавассути гузашти сартосарии манзилҳои индивидуалии сокинони маҳаллаҳои шаҳр, нигоҳдории чорво мавриди санҷиш қарор гирад ва нисбати сокинони хилофкор чораҳои қатъӣ аз ҷониби мақомоти марбутаи ҳифзи ҳуқуқи шаҳрӣ татбиқ карда шаванд.

Қаблан Маҳмадсаид Убайдуллоев, раиси шаҳри Душанбе, барои танзими нигаҳдории чорво дар пойтахт то 1-уми январи соли 2014 муҳлат дода, ҳушдор дода буд, агар масъалаи берун кардани асп, хар, уштур, хук ва дигар чорвои хурду калон аз пойтахт ҳал нашавад, муовини якуми раиси Душанбе ва раисони чор ноҳия метавонанд аз мақомашон барканор шаванд.

Тибқи қонун «Дар бораи статуси пойтахти Тоҷикистон» дар марзи шаҳри Душанбе парвариш, нигоҳдории чорвои калони шохдор, чорвои хурд, инчунин асп, хар, парранда ва дигар ҳайвоноти хонагӣ, ба истиснои гурба, саг ва паррандаҳои хурди ғайриистеъмолӣ манъ аст.


Шарҳи худро бинависед:

Ном:*
E-Mail:
Матни шарҳ:
Посух додан
  • а

  • 3 декабр 2013 13:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба мардум ки чойи кор фарохам оварда наметавонед бигзор чорводориву мургпарвари кунанд. Чи хурчин гирифта ба Россия раванд?
Посух додан
  • Хатлон

  • 3 декабр 2013 13:23
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин мирро алиш намекарда бошанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Душанберо аз хайвоноти хонаги тоза кардан шояд икдоми хуб бошад, вале норохатии мардумони чорводори атрофи шахр низ дида мешавад. Аммо дар фармон "ба истиснои гурба ва саг" омадааст ва суоле ба миён меояд, ки чаро ин чонварони хонагии хароммичоз ичозат асту хаявони халол не? Арз дорам. Дар бинои нухкабатаи мо бо сурогаи Зарафшон 1/11 Д5 дар ошёнаи 5 зане бо номи Албина зиндаги мекунад. Уро танхо аз тирезачаи хонааш дида мешавад, зеро у харгиз берун намебарояд. дар хонааш, ки гуфтем ошёнаи 5 аст ба гуфти хамсояхо 10-12 саг ва чанд гурба дорад. Ман чун сардори хамин бинои 9 кабатаи доим вайрон барои дидани холат мурочеъ шудем аммо Албина на дар мекушояд на тиреза аз дарун танхо садои чакиши сагон шунида мешавад. Атрофро буйи гализи ахлот пахш кардааст, ба Хукумати нохия хамсояхо чандин маротиба мурочеъ шудаанд аммо омадани нозири минтакави масъаларо хал накард. Модоме, ки МИРи шахр чунин супориш додааст, хуб намебуд, ки арзи бошандагони биноро шунида аввал ба кумаки ин бечорагон мешитофтанд. Ачаб дунёеву ачаб кордорие халол харому харом раво гаштааст. Хукумати нохия на чандон кумак карданд, шояд тими "Озодагон" мушкили ин мардумро хал кунад, дунё ба умед.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!