500-долларии Ҳукумов барои даст кашидани маҷруҳон аз даъво
Азиза Рӯзиева, яке аз маҷрӯҳон, дар ин бора ба "Озодагон” хабар дода ва гуфт, ин нафар ба онҳо ваъда додааст, ки тамоми харҷи табобаташонро бар дӯш мегиранд. Тайи ду моҳи охир ин дувумин кумаки хонаводаи Амонулло Ҳукуматулло ба маҷрӯҳони садамаи шаби 9 октябр мебошад, ки бо иштироки БМВ-и писари 16-солааш Расули Амонулло иттифоқ уфтодааст. Дар оғози қазия онҳо ба маҷруҳон 800-долларӣ маблағ дода буданд.
Аммо Шокир Маҳкамов, яке дигар аз маҷрӯҳон дар сӯҳбат ба “Озодагон” гуфт, онҳо 500-долларӣ кумаки Ҳукумовро қабул накарда, гуфтаанд, тамоми пули табобати онҳоро бипардозанд, ки шояд ба 4 ё 5 ҳазор доллар баробар мешавад. Вай дар тамоси телефонӣ ба "Озодагон" гуфт, “онҳо ҳамроҳи як вакили мудофеъ омада, варақеро нишон дода гуфтанд, зери он имзо гузорем. Аз даъвоямон бигузарем. Мо имзо накардем ва даъво кардем, ақаллан 4 ё 5 ҳазор доллар бидиҳанд. Онҳо ваъда карданд, ки рӯзи душанбе меоянд, аммо то ҳол наомадаанд”,-афзуд ӯ.
Пешниҳоди кумаки хонаводаи Амонулло Ҳукуматулло дар ҳолест, ки Вазорати умури дохилӣ Умар Шарифов, сокини 22-солаи Душанберо, дар садамаи маргбори шаби 9 октябр муттаҳам дониста, алайҳи ӯ парвандаи ҷиноӣ боз кардааст. Мақомот мегӯянд, он шаб дар сари фармони мошини БМВ бо рақами “20-20” Умар Шарифов менишаст. Додгоҳи ноҳияи Исмоили Сомонии пойтахт дар робита ба ин қазия модари Расули Амонулло – А.Мӯсоеваро танҳо барои нақзи қонун дар бораи масъулияти волидон дар таълиму тарбияи фаранд муҷрим шинохта, 120 сомонӣ ҷарима баст. Темур Ҳафизов, муовини раиси Додгоҳи ноҳияи Исмоили Сомонӣ ва раисикунандаи мурофиа ба “Озодагон” гуфт, худи модари Расул ба додгоҳ ҳозир шуда ва ҷаримаашро дарҳол супоридааст.
Мақомот дар лаҳзаҳои аввали садамаи шаби 9 октябр Асрор Ҳукумови 22-сола, бародарзодаи раиси ширкати Роҳи оҳанро, муттаҳам эълон карданд. Аммо баъдан гуфтанд, ин садама бо иштироки Расули Амонулло, писари 16-солаи Амонуллои Ҳукуматулло, рух додааст. Вале ҳоло нафареро бо ному насаби Умар Шарифов ҷустуҷӯ доранд, ки гӯиё гунаҳкори қазия ӯ будааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
