Русский  >>  فارسی  >>  Шанбе 3 декабр 2016, 00:52

Убайдуллоев гуфт, афсарони рус интизомро риоя кунанд

5 декабр 2013, 10:08

Маҳмадсаид Убайдуллоев, раиси шаҳри Душанбе, фармондеҳи нави пойгоҳи ҳарбии 201-и Русия дар Тоҷикистон полковник Евгений Туболро ба ҳузур пазируфта, масъалаи рафтору интизоми афсарони русро дар Душанбе матраҳ кардааст.

Дафтари матбуоти шаҳрдории Душанбе мегӯяд, дар ҷараёни мулоқот Убайдуллоев ва Тубол ҳамкориҳои ҷонибҳо, риояи фарҳанги шаҳрнишинию шаҳрдорӣ, тартиботи ҷамъиятӣ аз ҷониби аскарону афсарони пойгоҳ дар пойтахт ва тақвияти робитаҳо барои баргузории чорабиниҳои муштараки ёддоштиву фарҳангиро баррасӣ кардаанд.

Ба иттилои манбаъ, дар мулоқот таъкид гардидааст, ки ҳайати шахсии Пойгоҳи 201 минбаъд низ тавассути эҳтиромгузорӣ ба сокинони маҳаллӣ ва риояи муқаррароти Созишномаи марбутаи байнидавлатии Тоҷикистону Русия оид ба шартҳои будубоши Пойгоҳи мазкур дар иҷрои вазифаҳои таъинотии худ намунаи ибрат хоҳад монд.

Пойгоҳи 201-и Русия дар Тоҷикистон ҳудуди 7 ҳазор афсару аскарро дар бар гирифта, будубоши он дар қаламрави Тоҷикистон тибқи созишномаи мавҷуда то соли 2042 идома хоҳад ёфт.


Шарҳи худро бинависед:

Ном:*
E-Mail:
Матни шарҳ:
Посух додан
  • 1

  • 5 декабр 2013 10:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз худуди шахр дивизияи 201 бояд бароварда шавад. Чи лозим аст будани хамин дивизия дар дохили шахр?
Посух додан
  • Э Р

  • 5 декабр 2013 11:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
это нужна

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!