Русский  >>  فارسی  >>  Ҷумъа 9 декабр 2016, 14:39

Раиси нави Суғд хабарнигоронро ба сӯҳбати рӯбарӯ хонд

5 декабр 2013, 13:44

Абдураҳмон Қодирӣ, раиси нави вилояти Суғд, шимоли Тоҷикистон, рӯзи ҷумъаи 6 декабр хабарнигоронро барои сӯҳбати рӯбарӯ хондааст. Дафтари матбуоти ҳукумати Суғд бо тасдиқи хабар гуфт, ин дидори нахустини оқои Қодирӣ ба ҳайси раиси вилоят бо хабарнигорон мебошад.

Бино ба иттилои манбаъ, ин вохӯрӣ дар бинои ҳукумати Суғд баргузор гардида, дар он хабарнигороне, ки дар маркази вилоят фаъолият доранд, даъват шудаанд. “Аммо муҳим нест, ки онҳо дар расонаҳои давлатӣ, хусусӣ ва ё хориҷӣ кор мекунанд. Ҳамаи онҳоро ба мулоқот даъват кардаем”,-афзуд манбаъ. Абдураҳмон Қодирӣ рӯзи 23 ноябр бо фармони раисиҷумҳур ба курсии раиси вилояти Суғд такя зад ва дар ин мақом Қоҳир Расулзодаро иваз намуд. Оқои Қодирӣ зодаи ноҳияи Бобоҷон Ғафуров буда, 60 сол дорад ва тӯли тақрибан панҷ сол муовини авали раиси вилояти Хатлон буд.

Аз ин пештар, раиси тозатаъини вилояти Хатлон -- Давлатшо Гулмаҳмадов низ бо хабарнигорон сӯҳбат орост, вале ба дидори ӯ танҳо хабарнигорони расонаҳои ҳукуматӣ роҳ ёфта буданд. Оқои Гулмаҳмадов дар ин дидораш бо хабарнигрон аз телефонбозӣ дар кишвар нигаронӣ карда, барномаи “Орел и решка” дар бораи Тоҷикистонро ба боди танқид кашида буд. Вай инчунин гуфта буд, тамоми талоши ҳукумат барои беҳбудии рӯзгор ва ободии кишвар набояд аз мадди назари журналистон дур намонад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!