Русский  >>  فارسی  >>  Ҷумъа 9 декабр 2016, 18:35

Мушкили молӣ дар Вазорати хориҷа ва пешниҳоди имтиёзҳо

5 декабр 2013, 16:49

Парлумони Тоҷикистон, имрӯз, 5-уми декабр, Вазорати умури хориҷии кишварро ба далели мушкили молӣ аз пардохти боҷу андоз ҳангоми ворид намудани 650 ҳазор бланкаҳои шиносномаҳои хориҷии биометрӣ озод намуд.

Руҳуллоҳ Ҳакимов, муовини вазири молияи Тоҷикистон, зимни муаррифии лоиҳа дар назди намояндагони мардумӣ гуфт, Вазорати умури хориҷии кишвар бо ширкати олмонии «МEHLER» барои хариди 700 ҳазор адад бланкаи шиносномаҳои хориҷии биометрӣ созишномаҳо ба имзо расонидааст, ки 50 ҳазор адад бланкаҳои шиносномаҳо аллакай ба ҷумҳурӣ ворид гардида, 650 ҳазор адади дигар бояд то охири соли равон ба ҷумҳурӣ оварда шавад.

Ҳакимов афзудааст, ки ин ниҳод ба мушкили молӣ рӯбарӯст ва айни ҳол аз ширкати олмонӣ дар маҷмуъ 2 миллиону 556 ҳазору 800 евро қарздор мебошад. Муовини вазири молия гуфт, бино ба ин Вазорати умури хориҷӣ тавони пардохти боҷи гумрукӣ ва андоз аз арзиши иловашударо надорад. Ӯ таъкид намудааст, ки ҳангоми додани имтиёзҳои иловагӣ, ВКХ аз пардохти 12 миллион сомонӣ, аз ҷумла, андоз аз арзиши иловашуда 6,9 миллион сомонӣ ва боҷи гумрукӣ 5,1 миллион сомонӣ озод карда шуд.

Маҳмудҷон Собиров, муовини вазири умури хориҷӣ дар назди намояндагони мардум айни ҳол арзиши як адад шиносномаи биометриро 75 $ гуфта, афзуд, ки интизор меравад, ки дар оянда то 50% коҳиш хоҳад ёфт.


Шарҳи худро бинависед:

Ном:*
E-Mail:
Матни шарҳ:
Посух додан
  • Алидод

  • 5 декабр 2013 17:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
650 000 + 50 000 = 700 000
ҳоло 700 000 х 75($) = 52 500 000
пас мешавад 38062500 евро
чаро барои хароҷоти 2 миллиону 556 ҳазору 800 евро дар ҳоле ки аз фуруши 700 000 шиноснома 38062500 евро ба даст меояд бояд муфлис гуфта аз молиёт озод шавад
ба фикрам ин ҳукумат даврони солҳои 85 ба баъди Шуравиро мегзаронад(холи шудани тамоми анборҳо ва хазонаи давлати) ва дар ҳолати сакарот қарор дорад
ба фикрам ҳукумате ки натона хароҷоти шиносномаи шаҳрвандонашро ки санади ҳувияти онҳост таъмин кунад дигар бояд ... бале ҳамон
ё инки пул ҳаст аммо ба минтақаҳои офшорӣ рафта ё дар ҷазираҳои арабу аҷам қасрҳо сохта мешавад
ман тааҷуб мекунам ки чаро КОРУПСИЯ як қатра оби Зайдро клиник ба клиник кишвар ба кишвар мегардад то як дуруғи маҳзро исбот кунад аммо як бор намепурсад, ки чаро раисони ҳозир ва собиқи БАРҚИ ТОРИК(тоҷик) қасрҳои чандин миллиони доранду ширкат доим қарзидор ва маоф аз андоз ва бахшидани қарз!!!!!!!!!!!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!