Русский  >>  فارسی  >>  Душанбе 5 декабр 2016, 01:19

Эмомалӣ Раҳмон: Ҳар сол на камтар аз як миллион каламча омода кунед

4 август 2011, 08:27

Дар Истаравшан як корхонаи ҷадиди коркарди меваю сабзавот ба фаъолият шурӯъ намуд.


Дар расми ба кор оғоз намудани ин корхона президенти кишвар-Эмомалӣ Раҳмон ширкат намуд.
Райисҷумҳур, ки дар идомаи боздидаш аз Суғд субҳи имрӯз ба шаҳри Истаравшан рафт, ба фаъолияти ҷамъияти саҳомии пўшидаи Оби Зулол оғоз бахшид. Зикр шуд, ки хатти нави технологии корхонаи Оби Зулол, имкон дорад дар як мавсим 25 ҳазор тонна меваю сабзавотро коркард намуда, аз он афшураҳои хушлаззат истеҳсол намояд. Дар ин коргоҳ тамоми намудҳои меваю сабзавот ва тарбўзу харбўза коркард мешавад.

Президенти кишвар таъкид намуд, ки аз ин ва дигар корхонаҳои саноатии коркарди меваю сабзавот ба хориҷи кишвар танҳо маҳсулоти тайёри ниҳоӣ содир карда шавад. Райисҷумҳур ҳамчунин аснои боздид аз шаҳри Истаравшан ба хоҷагиҳои деҳқонии Пошкенти ҷамоати деҳоти Пошкент  рафт. Зикр гардид, аз 454 га  замини хоҷагӣ 168 гектараш обӣ буда, аҳли заҳмат, ки шумораашон 598 нафар аст, асосан бо боғутокпарварӣ, парвариши картошка, сабзавоту полезӣ ва чорводорӣ машғуланд. Дар хоҷагии деҳқонии Вогат вошад, райисҷумҳур ба фаъолияти токпарварон аз наздик шинос шуд.

Аҳли хоҷагӣ дар 200 га замин токзор бунёд намудаанд, ки дар он ангўри навъҳои кишмиши сиёҳ ва сафед, тоифӣ, ҳусайнӣ, чилрўза, тагобӣ ва калондона парвариш меёбад.
Дар майдончаҳои махсуси мавизхушкунии хоҷагӣ ду тарзи хушксозии мавиз бе истифода аз моддаҳои кимиёӣ ба роҳ монда шудааст. Тибқи иттилои роҳбарияти хоҷагӣ, имсол аз ин ҷо 350 ҳазор бех қаламчаи ангўр ба фурўш бароварда шудааст. Эмомалӣ Раҳмон маслиҳат дод, ки ҳар сол на кам аз 1 миллион қаламча омода созанд, зеро дар бозор талабот ба он зиёд аст.

Дар маркази шаҳри Истаравшан бо иштироки президент маҷмааи иншооти варзишии «Далерон» мавриди баҳрабардорӣ қарор гирифт. Ин маҷмаа аз ҷониби ширкати хусусии Дурдона дар майдони 2 га бунёд ёфтааст.
Гуфта шуд, ин маҷмаа дар заминаи як бинои вайрону валангор, ки аз солҳои 90- уми асри гузашта аз истифода бозмонда буд, бунёд ёфта аст. Маҷмааи варзишӣ дар маҷмўъ дорои шароити хуби тамрин ва гузаронидани зиёда аз 20 намуди мусобиқаҳои варзишӣ хоҳад шуд.{jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!