Русский  >>  فارسی  >>  Чоршанбе 7 декабр 2016, 19:21

Файзиннисо Воҳидова: "Иттилои Вазорати дохила дурӯғ аст"

10 декабр 2013, 12:23

Файзиннисо Воҳидова, вакили мудофеъ, иттилои Вазорати умури дохилиро дар бораи барканории маъмурони пулис дар пайи аз ошёнаи 3-юм ба замин партофтани Умедҷон Тоҷиев, як сокини ноҳияи Исфара, дурӯғ номид.

Воҳидова гуфт, ба иттилои ВКД гӯиё 5 корманди пулиси шаҳри Исфара дар пайи аз ошёнаи 3-юм худро партофтани Умедҷон Тоҷиев аз кор озод шудаанд, ки асоси воқеӣ надорад. Ӯ афзуд, ки айни ҳол ҳамаи кормандони шуъбаи умури дохилии Исфара дар ҷойҳои худ кор карда истодаанд ва санҷише ҳам дар ин самт пеш нарафта истодааст.

Файзинисо Воҳидова, вакили мудофеи Зуҳур Иброҳимов, ки ҳамроҳ бо Тоҷиев дар узвият дар Ҳаракати исломии Узбакистон муттаҳам мешавад, афзуд, ки ахиран бо Тоҷиев низ суҳбате доштааст: “Се соате, ки дирӯз, 9-уми декабр, бо онҳо будам Умед Тоҷиев мегиристу, мегуфт гунаҳгор нестам, маро лату куб карданд. Лекин бо вуҷуди ин ҳама азобу шиканҷа ӯ ягон нишондоди иқрорӣ надодааст.” Умедҷон Тоҷиев, узви ҲНИТ, моҳи гузашта аз беморхонаи Исфара ба СИЗО-и Хуҷанд интиқол ёфт. Ӯ 30 октябр аз сӯи маъмурони пулис ба ҷурми “ҳуқуқвайронкунии маъмурӣ” боздошт шуда, баъдан ба ташкили иттиҳоди ҷиноӣ айбдор гардид.

Аммо рӯзи 2 ноябр ӯ бо ҷароҳатҳои вазнин ба бемористон интиқол ёфт ва мақомот дар шарҳи ин ҳодиса гуфтанд, ки Умедҷон Тоҷиев худро аз ошёнаи севуми бинои Идораи пулис ба зер афканда, талош кардааст, аз боздошт фирор кунад. Дар пайи ин ҳодиса, Вазорати умури дохилии Тоҷикистон бо пахши як хабар аз барканории чанд тан аз кормандони пулиси Исфара дар робита ба ин қазия хабар дод. Масъулон ин ниҳод гуфтанд, бемасъулияти ин афрод сабаб шудааст, ки Тоҷиев худро аз тирезаи Шӯъбаи корҳои дохилӣ ба зер афканда ва маҷруҳ кунад.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Исфараги

  • 10 декабр 2013 13:27
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Вакте макомоти боло худашон ин корро супориш додаанд худашон дар ин кор даст доранд чигуна кормандонашонро аз кор озод мекунанд?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Руз то руз нафрат нисбати кормандони ВКД афзуда истодааст. Ин нафрату бадбини дар дили аксарияти шахрвандон зиёд шавад баъд чи мешавад?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародар Абдурахмон! на танхо нафрат нисбати кормандони ВКД афзуда истодааст, балки ин нафрат ба одамони сатхи болои низ афзуда истодааст.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародар Абдурахмон! на танхо нафрат нисбати кормандони ВКД афзуда истодааст, балки ин нафрат ба одамони сатхи болои низ афзуда истодааст. Бубинед кормандони ВКД концлагерхо кушодаанд барои истинток намудани миллати мусалмони худ. Фардо дар назди Худо шУМОЁН золимон чи чавоб медихед. Ба Шумо чи шудаст эй миллати сарбаланд? бубинед дар Россия миллатгароёни рус барои поксозии ватани худ ва барои ихроч кардани дигар миллатхо аз хоки худ чи икдомхое намекунанд. Манзури ман ин хаст,ки ин миллатгароён барои пуштибони аз насли худ ки онхоро хеч кас нафармудааст на Худо ва на пайгамбарашон. Аммо мо бошем факат дар озору азияти мусалмони худ, ки Худову пайгамбарамон нахй фармудааст. Боки адлу инсофро аз Шумоён кормандони кудрати хохонем.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Боз як модари ноком зиёд шуд Боз як талафи чавон дар чумхуризиёд шуд .Боз чавоне чавони накарда меваи умрро ночида рафт.Ки парвои упо дюорад.Имруз мегуему фардо боз хомуш мешавем,боз тло навбати чавони оянда (худо накунад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!