Русский  >>  فارسی  >>  Шанбе 10 декабр 2016, 17:37

Шарти сафири Русия барои иҷрои тарҳҳои нав дар Тоҷикистон

11 декабр 2013, 10:05

Игор Лякин Фролов, сафири Русия дар Душанбе мегӯяд, ҷониби Тоҷикистон чандин лоиҳаҳои гидроэнергетикиро барои татбиқ ба Русия пешниҳод кардааст, ки айни ҳол мавриди омӯзиш қарор дорад.

Фролов дар доираи мулоқоти сафирони Русия дар Тошканд, бо хабарнигорон суҳбат карда, изҳор доштааст, ки лоиҳаҳои пешниҳодкардаи Тоҷикистон дарозмуҳлат буда, маблағҳои калонро талаб мекунанд.

Сафири Русия таъкид намудааст, ки татбиқи лоиҳаҳои нав дар Тоҷикистон аз чанд омил, аз ҷумла ҳалли масъалаи қарздории ширкати “Барқи тоҷик” дар назди нерӯгоҳи “Сангтӯда 1” вобаста мебошад.

Ин дар ҳолест, ки ахиран нерӯгоҳи барқи обии “Сангтӯда-1”, ки 75 дарсади саҳмияҳояш моли Русия буда, 15 дарсади нерӯи барқи Тоҷикистонро тавлид мекунад, ба далели мушкили молӣ аз қатъи фаъолияташ ҳушдор дод. Масъулини “Сангтӯда-1” бо пахши як иттилоия мегӯянд, Кумитаи андози Тоҷикистон 29 ноябр суратҳисобҳои бонкии нерӯгоҳро ҳабс карда, 4 декабр аз ин суратҳисобҳо 52 миллион сомонӣ қарзи андозро ба фоидаи давлат рӯёндааст. Мутасаддиёни нерӯгоҳ мегӯянд, сабаби асосии қарздорияшон дар он аст, ширкати “Барқи тоҷик”, ки харидори инҳисорӣ аст, ҳаққи барқи аз ин нерӯгоҳ гирифтаро саривақт пардохт намекунад. Ба иттилои нерӯгоҳ, ҳаҷми қарзи “Барқи тоҷик” ба ҳолати 1 декабри соли равон 404 миллион сомониро ташкил медиҳад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!