Русский  >>  فارسی  >>  Якшанбе 11 декабр 2016, 13:00

Бозпурсии мурдашӯйҳои Икромзода ва худдории Вазорати адлия

12 декабр 2013, 12:19

Баҳси додгоҳии волидони Ҳамза Икромзода, ки аз Вазорати адлияи Тоҷикистон, барои марги фарзандашон дар зиндони Душанбе 10 миллион доллар ҷуброни маънавӣ мехоҳанд, имрӯз, 12-уми декабр дар додгоҳи ноҳияи Исмоили Сомонӣ, бе ҳузури ҷониби ҷавобгар баргузор шуд.

Бузургмеҳр Ёров, вакили мудофеи хонаводаи Ҳамза Икромзода гуфт, Вазорати адлия ба додгоҳ ариза пешниҳод карда, хоҳиш намудааст, ки парванда бе ҳузури намояндагони ин ниҳод барррасӣ шавад.

Ёров гуфт, дар мурофиаи имрӯза аксу наворҳое, ки дар онҳо изи латукӯб дар бадани Икромзода аён аст, намоиш дода шуданд. Инчунин ба гуфтаи ӯ ду мурдашӯй низ мавриди бозпурсӣ қарор гирифта, шоҳидӣ додаанд, ки дар бадани Икромзода изи шиканҷа зиёд буд. Инчунин вакили дифои хонаводаи Икромзода ариза пешниҳод карда, хоҳиш намудааст, ки шоҳидони шиканҷаи Икромзода аз зиндони рақами яки Душанбе ва шаҳри Хуҷанд ба додгоҳ оварда шаванд.

Ҳамза Икромзода, сокини ҷавони ноҳияи Ҳисор, тирамоҳи соли гузашта дар зиндони рақами яки Душанбе ба таври мармуз фавтид ва наздиконаш иддао доранд, ки маъмурони маҳбас ӯро куштаанд.

Ҳамза Икромзода, сокини 27-солаи ноҳияи Ҳисор, ки ба ҷурми авбошӣ маҳкум ба зиндон шуда буд, соли гузашта дар мсаҳбаси рақами яки Душанбе даргузашт. Пайвандони ӯ гуфтанд, ҳангоми шустани ҷасади Икромзода дар бадани ӯ изи дарзмолро пайдо кардаанд. Иддаое, ки мақомот онро рад карда, ҳатто Иззатулло Шарифов, сардори Раёсати муассисаҳои ислоҳоӣ гуфта буд, “касе Ҳамзаро куштааст, Худо мезанадаш”.


Шарҳи худро бинависед:

Ном:*
E-Mail:
Матни шарҳ:
Посух додан
  • FREEDOM

  • 12 декабр 2013 14:21
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хеч,гох, Фаромуш Насозед!!! Хаёт ин БУМЕРАНГ аст!!! Дари касеро куфти даратонро мекубанд, хатманд мекубанд!
Гар тег ба даст ори мардум натавон кушт.
Наздики Худованд бадй нест фаромуш!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!