Русский  >>  فارسی  >>  Ҷумъа 9 декабр 2016, 14:36

Эмомалӣ Раҳмон барои видоъ бо Мандела намеравад

13 декабр 2013, 10:50

Эмомалӣ Раҳмон, раисиҷумҳури Тоҷикистон, дар маросими видоъ бо Нелсон Мандела -- собиқ раисиҷумҳури Африқои Ҷанубӣ, ки дар назар аст, 15 декабр баргузор гардад, иштирок нахоҳад кард. Дар ин бора ба “Озодагон” Абдуфаттоҳ Шарифзода, сухангӯи оқои Раҳмон, хабар дода ва гуфт, сафари ӯ ба Африқои Ҷанубӣ дар назар гирифта нашудааст.

Ин дар ҳолест, ки тақрибан аз 60 кишвари ҷаҳон барои иштирок дар маросими видоъ бо Нелсон Мандела вориди Африқои Ҷанубӣ шудаанд. Мандела, нахустин раисиҷумҳури сиёҳпӯсти Африқои Ҷанубӣ, рӯзи 5 декабри соли ҷорӣ дар синни 95 аз олам даргузашт. Вай яке аз муборизони ҳифзи ҳуқуқи мардуми сиёҳпӯст буд ва 26 соли умрашро дар маҳбас гузарондааст.

Гуфта мешавад, вай дар зиндон ба маризии сил гирифтор шуд ва ҳамин беморӣ ӯро зиёд азият медод. Вай 18 июли соли 1918 таваллуд шуда, пас аз хатми коллеҷ бо истибдод дар Африқои Ҷанубӣ муборизаи шадидро оғоз кард. Соли 1950 Мандела президенти лигаи ҷавонони Конгресси миллии Африқо таъин шуд. Соли 1964 аз сӯи ҷонибдорони истибдод боздошт ва барои 26 сол аз озодӣ маҳрум шуд. Соли 1990 аз маҳбас раҳо гардида, соли 1994 дар интихоботи президентӣ пирӯз ва аввалин раисиҷумҳури сиёҳпӯсти Африқои Ҷанубӣ гардид. Соли 1999 Нелсон Мандела ба истеъфо рафт.

Барои талошҳояш барои сулҳ, баробарҳуқуқии сиёҳпӯстон дар кишвараш ва сайёра Нелсон Мандела бо бисёр ҷоизаҳо қадр шудааст, ки маъруфтаринаш ҷоизаи сулҳи Нобел мебошад. Вай узви фахрии беш аз 50 донишгоҳи ҷаҳон буд.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • озод

  • 13 декабр 2013 11:05
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
дар ончо бояд касоне ки хохиши озод будани милатхояшонро доранд шикат кунанд!!!
Посух додан
  • п

  • 13 декабр 2013 11:05
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кори хуб намешавад. Рафтан даркор буд.
Посух додан
  • Шам

  • 13 декабр 2013 12:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Касе уро ончо мунтазир хам нест!!! Рафтану нарафтани у ба ончо хеч таъгироте намедихад, чунки хар кас бояд пояшро ба чени курпааш дароз кунад!!!
Посух додан
  • Бекор

  • 13 декабр 2013 12:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дуруст мекунанд Ҷаноби Олӣ. Он 50-60 ҳазор долларе, ки танҳо барои кирояи самолет харҷ мешавад, ба 5 ё 6 камбағал дода шавад, натиҷаи беҳтаре аз видоъ бо ҷанозаи Мандело хоҳад дошт.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Зиёд парешон нашавед, шукри худо дар ин ҷо ҳам Тоҷикҳои худамон монанди банда ҳастанд ва кору зиндаги мекунанд.
Даркор шавад таъзияти худро аз номи мардуми Тоҷик барои мардуми Ҷануби Африқо мерасонем

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!