Русский  >>  فارسی  >>  Якшанбе 4 декабр 2016, 13:09

Лола VS Гулнора. Баҳси ду духтари Каримов ба додгоҳ меравад?

13 декабр 2013, 19:58

Лола Каримова-Тиллоева, духтари дувуми Ислом Каримов гуфта, ки барои туҳматҳо нисбат ба ӯ ва шавҳараш – Темур Тиллоев апааш – Гулнораро ба додгоҳ мекашад.

Чанд моҳи ахир, Гулнора Каримова, духтари калонии президенти Узбакистон аз тариқи шабакаҳои иҷтимоӣ, ба вижа Твиттер «дарди дил» мекунад ва дар баробари мақомоти амниятии кишвараш наздикони худро ҳам зери тозиёнаи танқид қарор медиҳад. Аз ҷумла, дар як навиштааш ӯ модар ва хоҳарашро дар он муттаҳам кард, ки пешравиҳояшро намехоҳанд. «Модарам ваъда дода буд, ки агар ба корҳои ӯ дахолат кунам, тамоми чизи марбут ба манро нобуд мекунад»,-навишта буд Гулнора.

Пас аз нашри рейтинги сарватмандтарин одамони Швейсария, ки маҷаллаи «Bilan»-и ин кишвар нашр кард, Гулнора Каримова навишт, ки дороиҳои Лола зиёдтар аз он аст, ки ин маҷалла нишон додаст. Ӯ хоҳарашро мултимиллионер гуфт.

Гулнора Каримоваро дар чанд соли қабл вориси аслии курсии Ислом Каримов, президенти Узбакистон, медонистанд. Аммо чанд вақти ахир дар мавриди сардӣ миёни ӯ ва падараш ҳам сару садоҳои зиёде ҳаст. Ҳатто гуфта шуд, Ислом Каримов Гулнораро задааст. Ҳоло чаҳор шабакаи телевизионии марбут ба ӯ аз фаъолият боз монда, бархе аз ширкатҳои вобаста ба духтари раисиҷумҳури Узбакистон мавриди бозҷӯии мақомоти қудратии узбак қарор гирифтанд. Хонум Каримова ин овозаҳоро таъйид ва иқдоми мақомоти қудрати кишварашро ғайриқонунӣ унвон карда буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!