Русский  >>  فارسی  >>  Якшанбе 4 декабр 2016, 08:55

Нақшаҳои Раҳмон барои соли 2014: Мекӯшем монеасозиҳо қатъ ва мардуми минтақа наздиктар шаванд

16 декабр 2013, 15:40

Эмомалӣ Раҳмон, раисиҷумҳури Тоҷикистон, имрӯз, 16-уми декабр, дар мулоқот бо дабири кулли Созмони ҳамкории Шанхай (СҲШ) Дмитрий Мезентсев, масоили омодагӣ ба ҳамоиши навбатии сарони давлатҳои аъзои созмон, ки соли 2014 дар Душанбе баргузор хоҳад шуд, баррасӣ кардааст.

Тибқи иттилои дафтари матбуоти раисиҷумҳур, Эмомалӣ Раҳмон гуфтааст, Тоҷикистон дар соли раёсати худ ба масоили таҳким ва густариши имконоти ҳамлу нақл ва транзитии кишварҳои аъзо ва бартарафсозии монеаҳои мавҷуда дар ин самт кӯшиши бештар хоҳад дошт.

Эмомалӣ Раҳмон таъкид кардааст, ки дар соли раёсати Тоҷикистон дар СҲШ дар ҳудуди ҷумҳурии мо чорабиниҳои зиёд, аз ҷумла намоишгоҳҳои фарҳангӣ ва ғайра баргузор хоҳад шуд, ки ба наздикшавии мардумони кишварҳои аъзо ва нозири он мусоидат хоҳанд кард.

Ба иттилои дафтари матбуоти раисиҷумҳури Тоҷикистон таваҷҷуҳи зиёд, ҳамчунин ба масоили ташкили Бонки рушд ва Хазинаи рушди Созмони ҳамкории Шанхай, баргузор намудани Форуми СҲШ ва таҳияи Стратегияи СҲШ барои солҳои 2020-2025 зоҳир карда шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!