Русский  >>  فارسی  >>  Душанбе 5 декабр 2016, 19:37

Зайд Саидов ҷарима месупорад, маҳкум мешавад ё озод?

17 декабр 2013, 12:20

Дар ҳоле ки, қарор аст, ба зудӣ ҳукми додгоҳ дар баробари Зайд Саидов – соҳибкор ва вазири собиқи саноат эълон шавад, “Озодагон” тасмим гирифт, миёни корбарони худ назарпурсиеро анҷом диҳад. Аз онҳо пурсида шуд, бовар доранд, Зайд Саидов аз боздошт раҳо хоҳад шуд, ҷарима хоҳад супурд ва ё ба 28 сол маҳкум хоҳад гардид.

Беш аз 38,5%-и иштирокдорони назарпурсӣ, ки 77 нафарро ташкил медиҳанд, гуфтанд, додгоҳ Зайд Саидовро ба мӯҳлати 28 соли зиндон маҳкум хоҳад кард. Аммо ҳудуди 30,5% ё дақиқтараш 61 нафари дигар ибрози умедворӣ кардаанд, ки собиқ вазири саноати тоҷик озод мегардад.

Танҳо 8,5 дарсади иштирокдорон (17 нафар) бар инанд, ки додгоҳ Зайд Саидовро ҷарима хоҳад баст. Дар маҷмӯъ, дар ин назарпурӣ 177 нафар иштирок карда, 45 нафар ё зиёда аз 22,5%-и иштирокдорон бо гуфтани “намедонам” иктифо кардаанд.

Зайд Саидов ҷарима месупорад, маҳкум мешавад ё озод?Баррасии парвандаи Зайд Саидов чанде қабл ба поён расида, Абдусамеъ Додобоев, намояндаи додситонӣ ё айбдоркунандаи давлатӣ, аз додгоҳ хоста буд, Саидовро барои 28 сол равонаи зиндон кунад. Талабе, ки дар ҷомеаи Тоҷикистон вокунишҳои зиёдеро ба бор овард ва вакилони мудофеъву наздикони Зайд Саидов онро беадолатӣ номиданд.

Зайд Саидов, соҳибкори муваффақ ва собиқ вазири саноати Тоҷикистон, баъд аз эълони азмаш барои таъсиси ҳизби “Тоҷикистони нав”, моҳи майи соли 2013, ҳангоми бозгашт аз Фаронса боздошт шуд. Мақомот ӯро дар фасодкорӣ, қаллобӣ, сӯистифода аз мақом, бисёрзанӣ ва таҷовуз ба номус муттаҳам мешуморанд. Мурофиаи ӯ моҳи сентябр паси дарҳои баста дар Боздоштгоҳи муваққати Кумитаи амнияти миллӣ шурӯъ шуда, интизор меравад, бо эълони ҳукми додрас ба анҷом бирасад.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Тибки тахлилхо интизор меравад, бо эълони ҳукми додрас , бо гузоштани пешарт Зайд Саидов озод хохад шуд!
Посух додан
  • конун

  • 17 декабр 2013 16:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Зайд Саид марди хуб аст вале мешинад ба мухлати камтар. Вай барои ин хукумат хатарнок аст.
Посух додан
  • саша

  • 17 декабр 2013 16:58
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мумкинаст ки чарима шавад чун, ки бисёри статияхояш даст задан ба коруппся хастм мо хохони онем, ки чарима карда шавад ва ба озоди барояд ва дар корхои чамияти чалб карда шавад.....
Некбин,
Посух додан
  • зайд

  • 18 декабр 2013 04:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Зайд бояд озод шавад. Чавонмардии у ибратомуз аст.

Бас элитакуши.Як ба атроф нигох кунед хамачо фасоду коррупсия.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!