17 дек 2013 14:11Тоҷикистон / Дидгоҳи хос
“Ҳуҷум”-и Дӯстов ва ҳимояи Фролов аз муносибати Русия бо муҳоҷирон
Саймуддин Дӯстов, роҳбари созмони ҷамъиятии “ИНДЕМ”, аз ташкили лагерҳо ва муносибати бад бо муҳоҷиронро дар Русия зикр карда, таъкид намуд, ки ин кишвар ягон стратегияи миллӣ дар умури муҳоҷирати корӣ надорад. Дӯстов барои Русия бархе аз кишварҳои Аврупоро намунаи ибрат хонд.
Игор Лякин Фролов, сафири Русия дар Душанбе, дар пасманзари интиқодҳо аз сиёсати кишвараш пуштибонӣ карда, изҳор дошт, ки на ҳамаи иттиҳомоти ҳозирини конфронс алайҳи Русия асос доранд. Ӯ таъкид намуд, агар ҳама аз интиқоди Русия кор гиранд, ин ба манфиати ҳамкорӣ, аз ҷумла ҳамкории Тоҷикистону Русия нест. “Ин ки баъзе аз коршиносону афроди алоҳидаи ба фикрам на он қадар босалоҳият аз Русия интиқод мекунанду мехоҳанд бо кишварҳои дигар бо ҳам оянд, ин назари онҳост. Аммо роҳбарияти Тоҷикистон назари тамоман дигар ва хоҳони густаришу ҳамоиш бо Русия аст. Он гуфтушуниде, ки бо роҳбарияти Тоҷикистон дорам, оҳангу фазои тамоман дигар дорад. Ин назарҳои интиқодии баъзеҳо маро дар ҳайрат гузоштаанд”,-афзуд сафир.
Оқои Фролов дар идома аз муносибати Маскав бо муҳоҷирон дар Русия низ ҳимоят карда, гуфт, ҳоло ҳудуди 12 миллион муҳоҷир дар кишвараш иқомат доранд, ки аксарашон ғайриқонунӣ буда, бисёре аз онҳо коре намекунанд: “Аксари ин муҳоҷирони ғайриқонунию бекор ба дӯши Русия бори гаронанд. Дар мавриди узвияти Тоҷикистон ба иттиҳодияҳои Русияю Қазоқистону Белорус имрӯз бояд таҳлили асоснок гузаронда шавад ва дар асоси далелҳо оид ба ҷанбаҳои мусбату манфии ин ҳамоишҳо сухан бояд кард.”
Дар ин ҳамоиш Сӯҳроб Шарифов, вакили парлумони Тоҷикистон, низ баромад карда, изҳор дошт, ки қисми асосии буҷаи Тоҷикистон аз ҳисоби пардохтҳои гумрукӣ ба даст меояд ва бинобар ин саросемагӣ дар мавриди пайвастани Душанбе ба Иттиҳоди гумрукӣ метавонад, пайомадҳои манфӣ дошта бошад: “Мо имкон дорем, воридшавии Қирғизистонро ба Иттиҳоди гумрукӣ назорат кунему таҷриба гирем. Мо барои таҳияи ҳуҷҷатҳо, таъмини инфрасохтори зарурӣ чанд сол дорем. Бояд роҳҳои оҳан созем. Баъд аз ин имкон дорад, дар бораи натиҷаҳои узвият дар Иттиҳоди гумрукӣ гап занем.”
Дар робита ба ин, Игор Лякин Фролов таъкид кард, кишварҳои шарики Русия метавонанд ба Иттиҳоди гумрукӣ ворид шаванд ва Қирғизистонро мисол овард, ки ният дорад, расмиёти узвияташро дар Иттиҳоди гумрукӣ то миёнаҳои соли оянда ба итмом расонад. Дар пайи узвияти Қирғизистон Тоҷикистон низ метавонад, узви Иттиҳоди гумрукӣ гардад, чун яке аз шартҳои воридшавӣ ба ин Иттиҳод доштани марзи муштарак бо яке аз кишварҳои узв мебошад.
Ин дар ҳолест, ки Владимир Путин, раисиҷумҳури Русия, ният дорад, дар заминаи Иттиҳоди гумрукӣ ва Минтақаи ягонаи иқтисодӣ, Иттиҳоди АвруОсиёро ташкил кунад, ки дар он ҳаракати мардум, сармоя ва мол миёни кишварҳои узв озод хоҳад буд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
