Русский  >>  فارسی  >>  Якшанбе 11 декабр 2016, 14:56

Ҳушдори Тоҷибоева ба рӯзномаи Туркия ва Гулнора Каримова

18 декабр 2013, 00:26

Муътабар Тоҷибоева, ҳомии ҳуқуқи узбак аз рӯзномаи “Hürriyet”-и Туркия барои чоп кардани мусоҳибаи Гулнора Каримова тақозои нашри раддияро кардааст.

Хонуми Тоҷибоева , ки раҳбари “Клуби қалбҳои оташин” аст, бо нашри изҳороте гуфта, баъди ин мусоҳиба на танҳо зарари маънавӣ, балки осеби ҷисмонӣ ҳам дид.

Дар мусоҳибае, ки 8 декабр “Hürriyet Daily News” чоп кард, Гулнора Каримова Муътабар Тоҷибоеваро ҳамроҳ бо як қатор чеҳраҳои ҳукумат ва Хадамоти амнияти миллии Узбакистон дар дарёфти даромад аз содироти пахта муттаҳам кард.

Муътабар Тоҷибоева дар изҳроти худ гуфтааст, “нашрияи “Hurriyet Daily News” фавран бояд раддияро дар саҳифае, ки мусоҳибаи Гулнораро нашр кард, бо ҳамон ҳаҷм бо забони англисӣ ё туркӣ чоп кунад”.

Ҳамчунин, ӯ тақозо кардааст, ки Гулнора Каримова, раҳбарияти рӯзнома ва журналисти мусоҳибагиранда -- Асли Бариш дар саҳифаи “Hurriyet” аз ӯ узр пурсанд. Дар сурати иҷро нашудани ин талабот Тоҷибоева гуфтааст “барои ҳимояи шаъну шарафи худ дар зудтарин фурсат аз болои духтари президент, рӯзнома ва хабарнигор ба додгоҳ шикоят мебарад”.

Ба қавли Тоҷибоева ӯ дар оғози солҳои 2000-ум алайҳи истифодаи меҳнати кӯдакон дар Узбакистон ба мубориза пардохт. Соли 2003 бошад, яке аз аввалинҳое буд, ки аз содиркунандаҳо хост, пахтаи Узбакистонро, ки дар ҷамъоварии он аз меҳнати миллионҳо кӯдак истифода мешавад, таҳрим кунанд. “Чӣ гуна ман метавонам дар як вақт тақозои таҳримро карда, ҳамзамон аз содироти пахта фоида ба даст биёрам?”, - суол кардааст ҳомии ҳуқуқ.

Соли 2005 пас аз ҳаводиси хунуни Андиҷон Тоҷибоева боздошт ва наздики се солро дар маҳбас пушти сар кард. Баъди раҳоӣ ба Фаронса рафта паноҳандагӣ дарёфт кард.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!