Русский  >>  فارسی  >>  Панҷшанбе 8 декабр 2016, 07:03

Лағви ҳукми адабиёти экстремистӣ донистани тарҷумаи Қуръон

18 декабр 2013, 11:10

Додгоҳи шаҳри Краснодари Русия ҳукми адабиёти экстремистӣ донистани китоби тарҷумаи Қуръон бо забони русӣ “Смысловой перевод священного Корана на русский язык”-ро лағв кард. Китоби “Смысловой перевод священного Корана на русский язык” ахиран аз тарафи Додгоҳи шаҳри Новороссийскии Русия адабиёти экстремистӣ номида шуда, хондани он манъ гардида буд.

Тибқи иттилои расонаҳои русӣ, Додгоҳи шаҳри Краснодар дар пайи шикояти Элмир Қулиев, муаллиф ва тарҷумони китоби тарҷумаи Қуръон ба ин ниҳод, масъалаи мазкурро ба баррасӣ гирифта, ба хулосае омадааст, қарори Суди Новороссийски асос надорад.

Ин дар ҳолест, ки Шайх Равил Ғайнуддин, раиси Шӯрои уламои Русия бо пахши як изҳорот ин ҳукми додгоҳи шаҳри Новороссийскӣ дар мавриди адабиёти экстремистӣ хондани тарҷумаи Қуръонро бемантиқ хонда, расман аз ҳукумати кишвараш хостааст, аз ингуна иқдомҳо даст кашад.

Маврид ба зикр аст, ки 17-уми сентябри соли ҷорӣ суди ноҳияи Октябри Новороссийски тарҷумаи китоби муқаддаси Қуръон ба забони русиро дар тарҷумаи Элмир Қулиев экстремистӣ эътироф карда, даъвои прокуратураи нақлиёти Новороссийскро дар мавриди ба феҳрасти адабиёти экстремистӣ шомил кардани он қонеъ кард.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!