Русский  >>  فارسی  >>  Шанбе 10 декабр 2016, 21:31

Аз "Колхози Россия" то Ҳисор. Маханов ҷойи мулоқоташро нишон дод

18 декабр 2013, 14:45

Алимурод Маханов, ки ба гуфтаи мақомот роҳбари як гурӯҳи ҷиноӣ буда, қасди таркондани чор дарвозаи Душанбе ва бинои Кумитаи амнияти миллиро доштааст, ҷойҳои дидору мулоқот бо ҳамроҳонашро ба муфаттишон нишон додааст. Дар ин бора ба “Озодагон” Умед Бобоҷонов, вакили мудофеи Маханов, хабар дод.

Оқои Бобоҷонов гуфт, онҳо рӯзи 17 декабр ба Ҳисор, Ваҳдат, Оби Гарм ва маҳаллаҳои “Саховат”-у “Колхози Русия” рафта, маҳалли сӯҳбати нафари таҳти ҳимояташ бо ҳамроҳони ӯро дидаанд. Ба қавли ин вакил, айни ҳол Маханов барои ташкили иттиҳоди ҷиноӣ, тероризм, бо худ гирифта гаштани лавозимоти ҷангӣ ва моддаҳои тарканда муттаҳам дониста мешавад. “То 30 декабр тафтишоти пешакӣ идома дошта, баъд аз он хулосаи айбдоркунӣ ба додситонӣ ё прокуратура фиристода хоҳад шуд”,-афзуд Умед Бобоҷонов.

Алимурод Маханов ва ҳамроҳонаш дар остонаи интихоботи президентии 6 ноябр боздошт шуданд. Худи ӯ дар як намоиши телевизионӣ гуфта буд, ҳадафи онҳо таркондани баъзе иншооти Душанбе, аз ҷумла бинои Кумитаи амнияти миллӣ ва “шикастани сохтори давлатии Тоҷикистон” буд. Ба гуфтаи Маханов, ӯ соли 2011 ба узвияти Ҳаракати исломии Узбакистон шомил шуда, раҳбарии гуруҳи ҳаштнафараеро, ки муташаккил аз шаҳрвандони Туркия, Қирғизистон ва Узбакистон мебошад, бар зимма доштааст.

Мақомот мегӯянд, Алимурод Маханов то замони боздошташ дар ҳудуди шаҳри Душанбе чандин таркишҳоеро анҷом дода, аз ҳуҷраҳои ба иҷора гирифтаи аъзои гуруҳ аз кӯчаҳои Фучик ва Неъмат Қарабоеви Душанбе ду таппончаи тамғаи Макаров бо тирдон, адабиёти динӣ-ифротӣ, нақшаҳои тарзу усули омода ва таркондани маводҳои тарканда, сару либоси ҷангӣ, ноқилҳои гуногун ва камарбандҳои интиҳорӣ низ ёфт шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • 234

  • 18 декабр 2013 16:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
и чи хелит хабарай на сар дораду на .. Озодагон мазат гурехтестай. Магар ягон редактори дигар ёби

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!