Русский  >>  فارسی  >>  Ҷумъа 9 декабр 2016, 18:34

Посухи радди ҳукумат ба дархости Ҳизби наҳзати исломӣ

18 декабр 2013, 17:12

Ҳукумати Суғд ба намояндагии Ҳизби наҳзати исломии Тоҷикистон дар ин минтақа гуфтааст, ҳақ надорад, ба донишҷӯён кумак ё аз онҳо қадрдонӣ кунад.

Ин бахши ҲНИТ дар вилояти Суғд тасмим дошт, аз як қатор донишҷӯёни фаъоли минтақа қадрдонӣ кунад ва аз ҳукумати вилоят барои дарёфти толор ва номгӯи донишҷӯён мусоидат талаб карда буд. Илҳомҷон Ёқубов, раиси дафтари ҲНИТ дар Суғд, рӯзи 18 декабр дар суҳбат бо “Озодагон” гуфт, ҳукумати вилоят бо ирсоли як нома ба дархости онҳо ҷавоби рад дода, гуфтааст, ин иқдом хусусияти таблиғӣ дошта, хилофи қонун мебошад.

Ба гуфтаи Ёқубов, мақомот дар ин номаи худ ба унвони онҳо, аз ҷумла гуфтаанд, “ин қидоми Шумо зидди моддаи 3-и Қонуни Тоҷикистон дар бораи маориф ҳаст. Чун мутобиқи он дар муассисаҳои таълимӣ “тарғиб”, таъсис ва фаъолияти сохторҳои аҳзоби сиёсӣ, ҳаракатҳои сиёсии ҷамъиятӣ ва динӣ манъ аст. Ҳамзамон донишҷӯёну аспирантҳои муассисаҳои таълимии ҳудуди вилоят бо тартиби муқаррар гардида аз сӯи мақомоти маҳаллӣ андозаи муайяни стипендияҳо пардохт мешавад ва маъмурияти донишгоҳҳо низ баҳри амалӣ гардонидани сиёсати пешгирифтаи ҳукумат барои дастгирии табақаҳои ниёзманди аҳолӣ донишҷӯёнро пайваста бо кумакҳои моддӣ фаро мегирад.”

Илҳомҷон Ёқубов мегӯяд, ин иддаои мақомот бе асос мебошад, зеро ба гуфтаи ӯ, масъулини ҳукумати вилояти Суғд вожаи “таблиғ”-ро дар бахши иқтибос аз қонуни маориф дар номаашон илова кардаанд ва дар матни аслии моддаи 3-и Қонуни Тоҷикистон дар бораи маориф калимаи “таблиғ” наомадааст.

Аз сӯи дигар, раиси дафтари ҲНИТ дар Суғд илова менамояд, ки ин иқдоми онҳо низ гузаронидани корҳои таблиғотӣ ё ташвиқот дар муассисаҳои таълимӣ, ки ба гуфтаи ҳукумати ин вилоят, гӯиё онро қонун манъ кардааст, маҳсуб намешавад: “Чун мо аз масъулини ҳукумати маҳаллӣ хостем, худ макон ва ҷои баргузории чорабиниро муайян созанд.” Ин масъули ҲНИТ бар ин аст, ки ин амали мақомоти ҳукумати вилояти Суғд бозгӯи манъи ҳамкории аҳзоби сиёсӣ, бахусус ҲНИТ бо муассиса ва ниҳодҳои давлатӣ мебошад.

Дафтари ҲНИТ дар Суғд ахиран аз тасмими худ барои дастгирӣ ва ҷонибдории 100 донишҷӯи фаъоли вилоят хабар дода, гуфта буд, бо ирсоли як нома ба унвони Абдураҳмон Қодирӣ, раиси ин вилоят барои баргузории маҳфили қадрдонӣ аз ин донишҷӯён толор хостааст. Ин масъули дафтари ҲНИТ иброз дошт, ки ҳадаф аз ин иқдоми ӯ танҳо боло бурдани ҳисси донишомӯзию ҳавасмандгардонии донишҷӯён ва тақвияти ҳамкории ҲНИТ бо Вазорати маорифи Тоҷикистону донишгоҳҳои кишвар мебошад.

Ҳизби наҳзати исломии Тоҷикистон, яке аз аҳзоби умдаи мухолифи кишвар ба шумор рафта, танҳо ҳизби расмии динӣ дар Осиёи Миёна мебошад. Ин ҳизб дорои таърихи 40-сола буда, соҳиби торнамову нашрияи худ мебошад ва ба гуфтаи масъулинаш ҲНИТ беш аз 40 ҳазор узв дорад, ки ҳудуди 15 ҳазори он дар вилояти Суғд ба сар мебаранд.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Студент

  • 18 декабр 2013 17:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин пули хароми шумо ба мо лозим нест. ин хама пули пропогандаи давлатхои Араб аст. чи кумаки шуморо гирем чи гушти хук хурем, харду як!
Посух додан
  • Зайд

  • 18 декабр 2013 19:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чалби донишчуёну хонандагон барои таргиби Президент дар давраи интихобот аз чониби хукуматхои махалию ХХДТ зидди конун набошад чи? Хазору як далел мавчуд аст
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба назари ман ин икдоми пешанамудаи ХНИТ хуб аст. Аммо хангоме, ки таблиги афкори сиёси дар муасисахои таълими манъ бошад, пас чаро пеш аз маъракаи интихоботи варакахои имзочамкунии номзадхо ба донишгоххо оварда шуданд ва яксара имзо гузошта шуд? Тад тамоми донишгоххои ЧТ ин кор мушохида мешуд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Таргиб танхо барои ХХДТ ичозат дода шудааст?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Эй бародарон кадрдони танхо аз тарафи чаноби оли ва танхо аз хисоби точирон мумкин аст . "конун"-ро вайрон накунед-да.......
Чи шумо мехохе,ки мардум шуморо таъриф кунанду саводнок шаванд ?
Мабодо саводноку донно шаванд ин як хавфи нав барои хукумат аст ...................
Посух додан
  • Салим

  • 18 декабр 2013 21:10
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ХНИТ хак надораду ин амалхои хайра анчом медихад. Аммо ту хукуматихо хак доштетон барои чи. Ин корхои ХНИТ-ро намекунетон?!

ХНИТ хак надораду ин амалхои хайра анчом медихад. Аммо ту хукуматихо хак доштетон барои чи. Ин корхои ХНИТ-ро намекунетон?!
Посух додан
  • точик

  • 18 декабр 2013 21:11
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
чи хел худи хизби ахлки аз донишчухо дар митингу дигар чорабинихо аз донишчухо истифода мекардаасту дигар хизбхо хак надоштаанд инро хасуди а бахили мегуянд на чизи дигар
Посух додан
  • Ман

  • 18 декабр 2013 21:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хнит ин хама корхои хубро барои риё накардааст ин хубихои нахзатихоя савобашонро Худо медихад на шумо! Чоп,чоп,чоп.

Ман хайрон мешам боз нигох накарда ба ин забондарозихо...

Ё кадрдони кун ё кунанд!

Хнит-ба гап нест!
Посух додан
  • Самарқанду Бухоро

  • 18 декабр 2013 21:27
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бахилхои мурдае!
Посух додан
  • Shuhrat

  • 18 декабр 2013 21:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Донишчуени мухтарами ДДХ (ХГУ) бинед ин хукумат Шумоенро аз гирифтани тухфа махрум кард (яъне дар хакки Шумоен зомин шуд) ва нагузошт,ки донишчуени болаекат кадрдони карда шаванд. Аз ин пас муносибати худро бо ин хукумат чигуна ба рох мемонед ва аз ин хукумати тарсончак (тарс аз ХНИТ) дар оянда чи умеде доред? (Озодагон,хохиш мекунам чоп кун. Ташаккур.)
Посух додан
  • Донишчуи гурусна

  • 18 декабр 2013 22:04
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барои пешвозгирии президент тамоми кудакони богчаву мактабхоро чалб мекунед, магар ин таблиг нест? Асосан кумак расонидан ба ахоли вазифаи шумо хукуматхои махаллист. Ба чои он ки шукр гуед ХНИТ ухдадорихои шуморо ичро карда истодааст, баракс монеъа эчод мекунед. Бе ин хам кишри чавони чомеа аз хукумат кайхо дилхунук аст.
Посух додан
  • Shuhrаt

  • 18 декабр 2013 22:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Озодагон! Чаро назархоро цензура мекуни?! Магар ту озод нест?! Аз ин амал бармеояд,ки озод нести!
Посух додан
  • Мулло

  • 19 декабр 2013 06:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин хнит мехохад дар интихоботи парлумон сохиби курсии зиёд шавад барои хамин ин икдомро пеш гирифтааст
Посух додан
  • бандаи Аллох

  • 19 декабр 2013 07:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман гуфта будам ку намехоханки шумо обуру пайдо кунен хай иншоАллох ачри шуморо Аллох метия
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин раиси хизби исломи магар намедонад, ки таблигу таргиб як маъно доранд. Иловатан дар мактуби чавоби "таргиб" омадааст ку! "Таблиг" аз кучо?! Моддаи 3-и конунро пурра меорам:
Моддаи 3. Сиёсати давлатӣ дар соҳаи маориф
1. Сиёсати давлатӣ дар соҳаи маориф яке аз самтҳои афзалиятноки сиёсати иҷтимоии Ҷумҳурии Тоҷикистон маҳсуб меёбад.
2. Давлат барои амалӣ гардонидани сиёсати давлатӣ дар соҳаи маориф низоми маорифи Ҷумҳурии Тоҷикистонро ташкил намуда, фаъолияти онро ба таъмини ҳуқуқи шаҳрвандон ба таҳсил равона мекунад.
3. Давлат бо мақсади рушди соҳаи маориф ҳамоҳангсозии фаъолияти вазорату идораҳо, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот, шахсони воқеӣ ва ҳуқуқиро таъмин менамояд.
4. Сиёсати давлатӣ дар соҳаи маориф дар асоси дурнамо, консепсия, стратегия ва барномаҳои давлатии рушди соҳаи маориф тибқи қонунгузории Ҷумҳурии Тоҷикистон амалӣ мегардад.
5. Дар муассисаҳои таълимӣ тарғиб, таъсис ва фаъолияти сохторҳои ҳизбҳои сиёсӣ, ҳаракатҳои сиёсии ҷамъиятӣ ва динӣ манъ аст.
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!