Русский  >>  فارسی  >>  Сешанбе 6 декабр 2016, 10:48

Умедвории Сангинов ва сафари муовини нахуствазир ба марз

19 декабр 2013, 09:20

Ҷумъабой Сангинов, муовини раиси вилояти Суғд, ки дар ҳоли ҳозир дар марз бо Қирғизистон қарор дорад, вазъиятро мӯътадил арзёбӣ кард. Ӯ субҳи 19 декабр дар сӯҳбат бо “Озодагон” гуфт, гуфтушунидҳо барои ҳалли танишҳои бавуҷудомада идома дорад ва ӯ ба мусбат поён ёфтани қазия мӯътақид аст.

“Мо ҳоло дар Ворух ҳастем. Гуфтушунид бо намояндагони кишвари ҳамсоя идома дорад. Бовар дорем, ин роҳ ҳатман кушода ва вазъият мусбат ҳал мешавад”,-афзуд ӯ. Ҷумъабой Сангинов, муовини раиси Суғд ва Даврон Зоҳидов, раиси тозатаъини шаҳри Исфара, субҳи 19 декабр барои бартараф кардани низоъ дар марзи Тоҷикистону Қирғизистон ба ҷамоати Ворух рафта буданд. Оқои Сангинов мегӯяд, то замони боз шудани роҳ дар он ҷо хоҳад монд.

Дар ҳамин ҳол, Токон Мамидов, муовини нахуствазир ва вазири мудофиаю амнияти сарҳади Қирғизистон, барои шиносоӣ бо таниши марзӣ, ки бо роҳбандӣ анҷом ёфт, ба вилояти Бодканд, ба навоҳии наздимарзӣ бо Тоҷикистон сафар кардааст. Дар ин бора, рӯзи 19 декабр раиси парлумони Қирғизистон Асилбек Жээнбеков, хабар додааст.

Ба гуфтаи раиси парлумони Қирғизистон, издиҳом дар марзи Тоҷикистону Қирғизистон, соати 2-и шаби 18 ба 19 декабр пароканда шуда, ҷамъомадагон шарт гузоштаанд, ки агар талаботашон иҷро нашаванд, рӯзи 19 декабр соати 11:00 боз гирдиҳам хоҳанд омад. Сафари ноиби Сарвазир дар ҳолест, ки таниши марзию роҳбандӣ, ки дар пайи сӯхтори як чойхона дар вилояти Бодканди Қирғизистон, сурат гирифт, бо издиҳом ва роҳбандӣ анҷом ёфт, вале баъди гуфтушуниди мақомоти ду ҷониб ҳал шудааст.

Маврид ба зикр аст, ки 3 рӯз қабл дар марзи Тоҷикистон бо Қирғизистон як хона ба коми оташ рафт. Дар пайи ин дар ҳудуди Бодканд низ як чойхонаи шаҳрванди қирғиз ба коми оташ рафт ва сокинони наздимарзии тоҷику қирғиз дар ин сӯхторҳо якдигарро муттаҳам карданд. Дар натиҷа дар марз роҳбандӣ ба вуҷуд омада, аз ду тараф издиҳом ҷамъ гардид.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Изхор

  • 19 декабр 2013 09:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Холо бисёр мешаванд талабгорхо, хатто афгонхо хам замин талаб мекунанд. Хоки мукаддаси Ватан модарро ки фурухтед, киргозхо мехоханд як китъаи заминро хам кашида гиранд. Лекин мо фарзандони дури ватан намегузорем!!!
Посух додан
  • bijan

  • 19 декабр 2013 10:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин минтака рохи халли оддиро надорад . Баъди хар як хаминхел конфликт заминхои точиконро хукуматдоро медиханд ва акнун ,ки замин кам мондааст худро ба карри мезананд сарвазири киргиз мебиёд аз мо чи?
Посух додан
  • дилсухта

  • 19 декабр 2013 15:58
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Набояд ба ин ичозат дихем агар дар мо заррае вичдон бошад агар мо дар фикри насли пасин бошем ба ин имкон намедихем. ин дафъа хам ба фоидаи онхо хал шавад Ворух ба пурраги дар ихтиёри онхо мешавад. Эйййй халки бузурги Ворухзамин ба ин ичозат надихед!!!!
Посух додан
  • дуст

  • 19 декабр 2013 17:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба умедвории Сангинов нашавед ки хамаро аз даст медихед. Аздасти ин одам хеч кор намеояд гайр аз ду се гапи пуч. Ин муйсафед бехтараш рафта наберагонашро тарбия кунад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
мардуми нохия ба Чураев Низомхон ниёз дорад

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!