Русский  >>  فارسی  >>  Шанбе 3 декабр 2016, 22:42

"Ба ҷои Бадахшон, Бодканд долони асосии мухаддирот шудааст"

19 декабр 2013, 15:28

Александр Зеличенко, мудири Маркази сиёсати маводи мухаддир дар Осиёи Марказӣ, мегӯяд, айни ҳол ба ҷои Бадахшон, вилояти Бодканд ба роҳи асосии интиқоли маводи мухаддири Афғонистон табдил ёфтааст.

Зеличенко дар сӯҳбат ба “Озодагон” гуфт, аввали солҳои 90-ум, вақте тиҷорати маводи мухаддир нав рӯ ба густариш ниҳода буд, роҳи асосии қочоқи маводи мухаддир тариқи Бадахшон мегузашт: “Баъди пошхӯрии Иттиҳоди шӯравӣ, дар солҳои 90, 91-93 маводи мухаддир, маъмулан афюн, тавассути Бадахшон мегузашт, ки он ҳам дар ҳаҷми кам буд. Қочоқчиён маводи мухаддирро аз 5 то 15 килло бо роҳҳои мошингарду ағбаҳо мегузарониданд. Баъди афзоиши монеагузориҳо дар самти Бадахшон роҳҳои дигар пайдо шуданд ва имрӯз қисми калони мухаддирот тариқи Бодканд интиқол меёбад.”

Александр Зеличенко афзуд, ки аввали солҳои 90-ум маводи мухаддирро тариқи долони Бадахшон, танҳо барои дарёфти қути лоямут ва зинда мондан мегузаронданд: “Дертар қочоқи маводи нашъадор авҷ гирифт. Айни ҳол ба ҷои Бадахшон вилояти Бодканд долони асосии интиқоли маводи мухаддир шудааст. Дар солҳои аввал мо кӯшиш кардем ва ағбаҳоро бастем. Дар рафти ин кор мо аз доманаҳо ҷасадҳоеро пайдо кардем, ки бо худ то 15 кило афюн доштанд ва зимни интиқол онҳоро сармо задааст. Он замон мо фикр доштем, ки ягона долони қочоқи маводи мухаддир Бадахшон аст. Аммо ҳоло долонҳои интиқоли маводи мухаддир дар тамоми ҳудуди марз пайдо шудааст.”


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!