Русский  >>  فارسی  >>  Якшанбе 4 декабр 2016, 00:38

Даъвати Солиев барои дастгирии CASA-1000 дар Аврупо

19 декабр 2013, 17:37

Рустамҷон Солиев, сафири Тоҷикистон дар Брюссел, зимни конфронс, таҳти унвони “Афғонистон ва Осиёи Марказӣ: дурнамо ва чолишҳо пас аз хуруҷи нерӯҳои байналмилалии мусоидат ба амният” калиди муътадилияти минтақаро рушди иқтисодӣ хондааст.

Тибқи иттилои Хадамоти матбуоти Вазорати хориҷӣ Солиев аз иштирокдорон даъват намудааст, ки дар сохтмони роҳҳои оҳану мошингард ва лоиҳаҳои минтақавӣ, ба монанди CASA-1000 фаъолона иштирок намоянд. Ба иттилои манбаъ сафири Тоҷикистон таъкид намудааст, ки чунин лоиҳаҳо ба таъмини некуаҳволии мардуми афғон ва барқарорсозии иқтисоди харобгардидаи ин кишвар нигаронида шудаанд. CASA-1000, барои интиқоли барқ аз Тоҷикистону Қирғизистон ба Афғонистону Покистон ба масофаи 1300 километр тарҳрезӣ шуда, арзиши он ҳудуди 1 миллиард доллари амрикоӣ арзёбӣ мешавад.

Сафирони кишварҳои Осиёи Марказӣ, зимни ин конфронс қайд намудаанд, ки ҳукуматҳои кишварҳои онҳо омодаанд расонидани кӯмакро ба Афғонистон дар ҷодаи таъмини сулҳу субот ва барқарорсозии соҳаи иқтисодию иҷтимоии ин кишвар идома диҳанд.

Рустамҷон Солиев низ зимни баромадаш таъкид намудааст, ки Тоҷикистон ташаббусҳоро дар самти барқарорсозии сулҳу субот дар Афғонистон дастгирӣ менамояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!