Русский  >>  فارسی  >>  Шанбе 10 декабр 2016, 15:42

Манучеҳр Қудратов дар бораи “Bild” ва дуздии мошинҳо

20 декабр 2013, 17:42

Хабари рӯзномаи "Bild" дар бораи истифодаи мошинҳои дуздидашуда дар Олмон аз тарафи наздикони раисиҷумҳури Тоҷикистон баҳсҳои зиёдеро ба вуҷуд овардааст. Агар иддае ин хабарро воқеӣ шуморанд, гурӯҳе дигар онро ҷиддӣ намепиндоранд ва ба ин фикранд, ки нашрияи олмонии “Bild” бидуни асосе онро ба чоп расондааст. Дар ин замина хабарнигори “Озодагон” бо Манучеҳр Қудратов -- доктори Донишгоҳи Регенсбурги Олмон гуфтугӯи кӯтоҳе анҷом дод.


Нахуст аз Қудратов пурсидем, иттилои рӯзномаи “Bild”-и Олмон, ки рӯзи 19 декабр навишт, ҳудуди 200 сабукрави дуздидашуда дар ин кишвар дар Тоҷикистон ёфт шудаву гӯиё теъдоде онҳо аз тарафи атрофиёни Эмомалӣ Раҳмон истифода мешавад, то куҷо қобили эътимод аст? Ин хабар дар нашрияҳои дигари олмонӣ низ чоп шудаанд, ё хайр?

Қудратов: “Ин хабарро аввал рӯзномаи “Bild” бо такя ба ҳарфҳои сенатори шаҳри Берлин, Томас Ҳайлман, чоп кард ва баъдан дигар расонаҳои хабарӣ онро паҳн намуданд. Бояд гуфт, рӯзномаи “Bild” дар Олмон ба гурӯҳи рӯзномаҳои хиёбонӣ ва ё ҳангомаҷӯй шомил мешавад ва хабари онро аслан ҷиддӣ қабул кардан нашояд. Ҳамасола дар Олмон ҳазорҳо мошини сабукрав дуздида мешаванд. Барои мисол, соли 2012 беш аз 18 ҳазор, соли 2011 беш аз 19 ҳазору 600 мошин дуздида шудааст. Аз имкон берун нест, ки қисме аз ин мошинҳои рабудашуда то бозорҳои Тоҷикистон оянд ва ин ҷо харидорӣ шаванд. Фикр мекунам, истифодаи 200 мошин аз тарафи дӯстон ва наздикони президенти кишвар як фарзияи ноқис ва бесарупои муаллифи хабар аст.”

Озодагон: Сафири Тоҷикистон дар Олмон низ воқеият доштани ин хабарро рад кардааст. Бо назардошти вазъи феълии бозори мошини Тоҷикистон ва сатҳи фасод оё мешавад гуфт, ки ин иттилоъ метавонад то ҷое асос дошта бошад?

Қудратов: “Рад ва ё шарҳ додани чунин хабарҳо вазифаи новобастаи сафир ва сафорати Тоҷикистон дар Берлин аст. Ман ба сатҳи баланди фасод дар Тоҷикистон шак надорам. Аммо сари ин масъала бояд аз рӯи сатҳи фасод дар кишварҳои соҳили Балтик низ баҳс намуд, чун “тақдир”-и мошинҳои рабудашударо маҳз дар ин кишварҳо ҳал карда, дар як муддати кӯтоҳ аз занҷири хариду фурӯшҳо мегузаронанд, то фош сохтани фурӯшандаи нахусти он номумкин гардад. Ин амалҳо бе даст доштани мақомоти фасодзадаи ин кишварҳо ғайриимкон аст. Мувофиқи қонунгузории граждании Тоҷикистон дар сурати дуздӣ будани молу мулк, молик ҳақ дорад, онро талаб карда гирад. Аммо дар ҳолати мазкур, ки ашё аз занҷири дарози хариду фурӯш мегузарад, дубора талаб карда гирифтани он ғайриимкон аст. Ин ҷо бояд қонунгузории Тоҷикистон ва дигар давлатҳои дахлдор чорае ҷӯянд.”

Озодагон: Фикр мекунед, паҳни чунин хабар аз тарафи расонаҳои ҷаҳонӣ ба имиҷи давлати Тоҷикистон чӣ таъсир дорад?

Қудратов: “Албатта, паҳни ин гуна хабарҳо ба обрӯи бе ин ҳам костаи Тоҷикистон латма мезанад. Аммо чаро маҳз номи Тоҷикистонро бо ин хабар расонаӣ кардаанд, бароям муаммост. Тақрибан аз 20 000 мошини рабудашуда 200 ададаш дар Тоҷикистон бошад, боқӣ 19 800-аш дар куҷост? Чаро маҳз номи Тоҷикистон расонаӣ шудааст, воқеан, муаммост.”


Ҳумайрои БАХТИЁР


Шарҳи худро бинависед:

Ном:*
E-Mail:
Матни шарҳ:
Посух додан
  • Аспирант

  • 20 декабр 2013 21:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Манучехри азиз, содда будаед-да. Намаки ин хабар ин аст, киg ин 200 БМВ дар ихтиёри пайвандони рахбари як давлат карор доранд. Агар дар дасти ягон афроди шубханоку мафиози мебуданд, хайр мегуфтем, ки кори чахони чиноист. Вале вакте гап сари атрофиёни президент меравад, инчо проблема дигар аст, ки чи касе моро рахбари дорад ва ин рох моро ба кучо мебарад. Билд рузномаест, ки аз бучаи Точикистон бештар даромад дорад. Ин рузнома беасос чунин изхорот пахш намекунад. Сенатори Берлин хам девона нест, ки беасос изхорот пахш кунад.
Посух додан
  • Сода

  • 21 декабр 2013 06:23
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Манучехрчон шумо дар Аврупо доктор шудед лекин холям сода будагед Билд рузномаи хеле асоснок аст ва бе асос наменависад. боқӣ 19 800-аш дар куҷост? dar dasti duzost mafiozost, agar dar dasti yagon nazdikihoi prezidenti yagon davlat mebud meguftand…..
Посух додан
  • parviz

  • 21 декабр 2013 09:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
200 мошин дар точикистонай бари чи номи точикистон аст тамом ба ин савол одами одди чвоб дода метавонад барои ки дуздои точикистон бесаводанн аз дуздои диар давлатхо фарк мекунан
...аввал ин киии точикои мо медуздан секретные сигнализация GPS -роо хомуш карда наметавонанн дар мошинхои замонави 4-5 намуди сигнализация вучуд дорад... аз хамин сабаб номи точикистон аст халосс ... дигар дуздо басаводанн яхел медуздан ки номи давлату милат пасс нашавва ва хама сигнализацияро хомуш мекунанн...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин бар чаноби Кудратов,хакикати холро гуфтед.дар бахсхои кабли низ ман чунин шарх дода будам лек аз тарафи базе аз сохибназарони тундфикр тахкир шунидам.
дар инчо низ бархе мегуянд ки мошинхо дар дасти наздикони приздентасту дигару дигар охир фарк чи ки дар дасти кист мол тарики хариду фуруш ба сохибаш расид инчо дуздро муаян кард на харидорро
Посух додан
  • олим

  • 21 декабр 2013 17:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин чо гап сари он аст ки барои чи мошинхоро барнагардонданд. Ин масала аз соли 2011 давом дорад вакте ки Интерпол он сол дар Точикистон тренинг барои кормандони хифзи хукук мегузаронд ва дарсхои практики дар мошинбозор мегузаштанд. Ин чо сахми интерполи Точикистон ва сафир Саторов хеле баланд аст дар муайян кардани сохибони мошинхо.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
О и одамо мошина харида бошан айби иё чияй хаму дуздора бкапан на хридагиера
Посух додан
  • карим

  • 22 декабр 2013 21:56
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бист сол аст ки Точикистона горат кардестан да пеши чашмон хама медонем ягон чои шубхааш нест.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ёвони "О и одамо мошина харида бошан айби иё чияй хаму дуздора бкапан на хридагиера"- гуфтант қати. Харидаги пули дздидагиш кати нахрад дузд хам дуздида ба пеши харидор намебарад. Спрос порождает предложению - арзаву такозо, - гуфтаанд, - мантики иктисодиро аз капитали бобои Маркс хон, мисли Кудратов дар зодгохи Энгелс баъд мефахми, ки качдору марезаш, яъне чи))
Посух додан
  • Точик

  • 25 декабр 2013 12:14
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин танхо точик кудрат дорад. ки аз бекорию бесаводи рузи даркор дар интернет нишинад ба хотири рузкуркуни ва точикеро ки дар Германия доктор шудааст ва дар ончо таълим медихад соддаю бесаводу гайра гуяд. Ахсан точики аз бекори дар интернет сайркунанда. АХСАН.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!